Hosea 4:1 - O Debleskro Lab 2024 (Sinte-Manouche)

¹ T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

O Debleskro Drom 2021 (Sinte)

¹ Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Hosea 4:1 Iomraidhean Croise

1. Rajengro liil 22:19

O Mika penas: “Shoun, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

Debleskri gili 81:9

Mire menshe, shounenn ap mande, me dau t'men trad. Israel, shouness, hoy me touke penau:

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 28:14

T'mer pre-phourde, kay penenn i menshenge an o foro Yerusalem, hoy le hounte krenn, kanna shounenn o lab o baro Deblestar:

Jesaja 34:1

Avenn kay, t'mer menshe dran vavar themma, oun shounenn! Denn yak ap hako lab! I tseli phoub oun lauter, hoy ap late djivell, mou shounell, hoy penau.

Jesaja 34:8

Kava hi o tsiro, kay o baro Devel i vavar themma pengri phagi dell, koleske, hoy le ap i menshende ap i berga Sion kran.

Jesaja 5:3

Kanna avenn, t'mer menshe an o foro Yerusalem oun an o them Youda, oun krenn o čačepen vin mashkral mande oun miro drakengro them!

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jesaja 59:8

T'menge hi či moldo, te djal i vavarenge mishto. Oun o čačepen kamenn gar te krell. Bange dromma djan t'mer. Save menshe perenn an i bibarht.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Jeremia 11:7

Me dom t'mare phouren trad ap ko dives, har anom len dran Egiptia vin, bis ap kava dives, oun penom lenge pale te pale: Shounenn ap miro rakepen!

Jeremia 19:3

Oun pen: Shounenn o baro Debleskro lab, t'mer bare raya pral o them Youda oun menshe an Yerusalem. Yaake penell o baro Devel, ko ray pral o bolepen oun i phoub, kay o Israeleskro Devel hi: Shounenn, me kamau bari bibarht pral kava foro te anell, kay hakeno, kay shounell kova, leskre kanda doukenna.

Jeremia 2:4

Shounenn o baro Debleskro lab, t'mer Israelitarya, t'mer, o Yakobeskre menshe!

Jeremia 2:9

Doleske hounte anap t'mari doosh ap t'mende, oun ap t'mare čavende oun kolengre čavende.

Jeremia 25:31

Ninna i menshe an dour themma shounenn les. O baro Devel hi o čačepaskro ray pral i menshende an i tsele themma, oun rakrell pral halauterende o čačepen vin. I čilačen dell lo koy, te venn le maredo o rhareha. Kova penas o baro Devel.

Jeremia 34:4

Sedekya, tou kay hal ray pral o them Youda, shoun ap o baro Debleskro lab! Kava penell o baro Devel pral toute: Tou te meress gar o rhareha,

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Jeremia 4:28

I phoub rovella, oun o bolepen rivell pes an kalepen. Me, o baro Devel penom, hoy kamau te krell, oun kova khaytell man gar, oun moukau gar kolestar tele.

Jeremia 5:4

Me penom mange: Kolla hi čorvele menshe, kay či djinenna, oun prindjrenn gar o Debleskro drom oun leskro čačepen.

Jeremia 51:5

I Babilonarya kran baro čilačepen ap o Israeleskro Debleste. O Israel oun o Youda van gar mouklo pengro Deblestar, ko baro Deblestar, kay hi o ray pral o bolepen oun i phoub.

Jeremia 6:13

Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

Jeremia 7:28

Doleske pen ap lende: t'mer han kal menshe, kay shounan gar ap lengro baro Debleste. Oun t'mer moukenn t'men či te penell. O čačepen hi moulo. Kek rakrell bouder pral o čačepen.

Jeremia 9:20

An mare khera vas o merepen, an i vorhya djas lo dren. I čave ap i dromma meran, oun i terne morsha hi moulo čiddo ap i platse.

Jeremia 9:3

Hakeno mou dell pes garda peskro malestar, oun ninna peskro phralestar! Yek phraal dell kol vavar phrales pral i kanda. Oun i maal rakrell djoungeles pral o vavareste.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Ezekiel 16:35

Doleske shoun, Yerusalem, tou loubni, hoy o baro Devel penell!

Hosea 12:2

O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

Hosea 12:3

Ninna i menshenge an o them Youda rikrell o baro Devel lengro čilačo koova glan i yaka. Yob dell o Yakobes peskri phagi koleske, hoy lo kras, oun har lo djivas.

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Hosea 5:4

Ko čilačo koova, hoy le kran, rikrell len pale, te venn le pash mande. Yon nay moukenn gar tele, te mangenn le rhorhene deblen an. Man, o baro Debles, prindjrenn yon gar.

Joel 1:2

Shounenn, t'mer phoure, oun denn yak t'mer halauter, kay djivenn an kava them! Penenn mange, das savo koova yaake rah har t'mer djivenn? Das savo koova an t'mare phourengro tsiro?

Amos 3:1

Shounenn, t'mer Israelitarya, hoy o baro Devel pral t'mende rakras, pral o tselo kheer Israel peskre tsele familyentsa, kolen yob vin anas dran o them Egiptia:

Amos 7:16

Kanna shoun tou o Debleskro lab! Tou kamal gar, te penap me i Israelenge kol laba, hoy o baro Devel pral lende penas. Tou kamal gar te rakrap pral o kheer Isaak.

Micha 6:2

Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.

Johanni 8:55

T'mer prindjrenn les gar. Me prindjrau les. Te penaus me, kay prindjrau les gar, voms i rhorheno har t'mer. Me prindjrau les oun krau, hoy yob penella.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

Debleskro tsiro 2:11

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, kova merell gar o douyto kopo.”

Debleskro tsiro 2:29

Shounenn halauter mishto, hoy o Debleskro Dourho penella ap i patslende!”