Hosea 3:1 - O Debleskro Lab 2024 (Sinte-Manouche)

¹ Oun o baro Devel penas pale ap mande: “Dja, oun sike i djouvyake har kameh lat, savi djouvyake, kay nashell vavar morshenge palla, ninna te kamell lat lakro pirno. Yaake sikrau me, o baro Devel, i Israelitaryen, te kamau len, ninna te nashenn le vavar deblenge palla oun kamenn kol drakengre merklia, hoy le lenge anenn.”

O Debleskro Drom 2021 (Sinte)

¹ Un o baro Dewel penas pale ap mande: “Dja, un sike i djuwjake har kameh lat, sawi djuwjake, kai nashell wawar murshenge palla, ninna te kamell lat lakro pirno. Jaake sikrau me, o baro Dewel, i Israelitarjen, te kamau len, ninna te nashenn le wawar deblenge palla un kamenn kol drakengre merklia, hoi le lenge anenn.”

Hosea 3:1 Iomraidhean Croise

2. Samuel 6:19

Oun yob das hako menshes, kay kote hi, morshen oun djouvyen, hakenes, yek maro, yek kotar mass oun yek drakengri merkli. Koy pal djan i tsele menshe khere, hakeno an peskro kheer.

2. Rajengro liil 13:23

Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

1. Familjakro liil 16:3

Oun yob das hako menshes, kay kote hi, morshen oun djouvyen, hakenes, yek maro, yek kotar mass oun yek drakengri merkli.

Nehemia 9:31

An tiro baro lačepen dal len gar moulo, oun moukal len gar. I lačo Devel hal, oun tout hi i baro dji.

Debleskri gili 123:2

Yaake har i boudepaskro ap o vast peskro rayestar dikella, oun i boudepaskretsa ap i vasta peskri ranyatar dikella, yaake dikah mer ap maro baro Debleste, bis te krell lo menge peskro dji pre.

2. Mose 32:6

Oun yon stan taysarlakro pre oun maran firhen, oun rhačran len ko debleske, hoy kran le penge. Ninna vavar firhen anan le pashel, te rhan le len khetne. Oun yon beshan pen, te rhan le oun te piyenn le. Oun yon stan pre oun khelan.

Kamlepaskri gili 2:5

Krenn man pale zoreles drakentsa, denn man nevi zoor phabyentsa! Miro kamlepen touke krell man nasselo.

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jeremia 3:20

Čačepah, har i romni, kay rhorhras peskro romes i vavar morsheha, yaake rhorhras man o kheer Israel. Me, o baro Devel, penau kova.

Jeremia 31:20

Efrayim, tou hal miro kouč čavo, miro čavo, koles kamau boud! Hako kopo, kay hounte dap les trad, vell lo mange gar dran o shero. Miro dji dell zoreles an mande: me hounte vap leske lačes, penell o baro Devel.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Hosea 2:5

Te krell li kova gar, palle rivau lat vin, te hi li nanges čiddo, har ap ko dives, kay li boldo vas. Oun krau, te vell o them i moulo them, kay kek pani hi, kay hounte merell li i troushatar.

Hosea 4:11

Mool – phouri mool oun nevi mool – krenn, te hayvenn i menshe bouder gar, hoy lačo oun hoy čilačo hi.

Hosea 7:5

Ap maro baro rayeskro dives piyenn pen i pralstoune mates i molyatar. Oun o baro ray beshell pes khetne kolentsa, kay san pral halauter.

Amos 2:8

Ap hake platse, kay o Devel sharedo vell, sovenn le ap koola, hoy lan le i čorvelenge krik, kay siyaan pash lende hi. Oun an o kheer lengro Deblestar piyenn le mool, hoy lan le kolendar, kay siyaan pash lende hi.

Amos 6:6

Mool piyenn t'mer dran khore, oun makenn t'men dren o feteder djeteha. Oun t'men hi gar ropaske pral o kheer Yosef, hoy paash dino vell.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Zakarie 1:16

Doleske penell o baro Devel: “Me krau miro dji pale pre pral i menshende an o foro Yerusalem. Kote te vell miro kheer pale pre tardo, oun o foro pale neves kerdo.”

Mateo 26:50

Penas o Yezous: “Mo maal, hoske val tou?” Oun palle van kol vavar morsha, tapran o Yezouses, oun pandan les.

1. Korintarja 10:21

T'mer nay piyenn gar dran o Yezouseskro khoro oun dran o bengeskro khoro. T'mer nay rhan gar o Yezouseskro rhapen oun o bengeskro rhapen.

1. Korintarja 10:7

Ma mangenn vavar koova an har o Debles! Mank kolende an o phouro tsiro his save, kay kran kova. An o Debleskro lab hi činlo: Yon beshan tele, te rhan le oun piyan le oun stan pre, te khelenn le glan o sonakaskro firho.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”

Čačepangre 9:27

Oun yon djan vin an i drakengre themma oun anan i drake dren, oun anan len koy, kay le mool lendar krenn. Palle van le barhteles khetne oun djan an pengro debleskro kheer oun rhan oun piyan, oun praasan o Abimelekes.