Hosea 2:22 - O Debleskro Lab 2024 (Sinte-Manouche)

²² Me ačau hako tsiro pash toute. Oun tou prindjreh man, o baro Debles.

O Debleskro Drom 2021 (Sinte)

²² Me atchau hako tsiro pash tute. Un tu prindjreh man, o baro Debles.

Hosea 2:22 Iomraidhean Croise

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Hosea 1:4

Oun o baro Devel penas ap leste: De les ko lab Yesreel! An i tikno tsiro anau ap o rayeskro kheer koy doosh pale, hoy o baro ray, o Yehou, ap peste anas, har maras lo boud mire menshendar an i tala Yesreel. Oun krau, te hi o themes Israel bouder kek ray.

Hosea 14:7

O Israel vell har i shoukar djeteskro rouk, koles boud bourhle moussya hi. Oun i shoukar khand djal lestar vin, har i khand i roukendar ap i berga Libanon.

Joel 2:19

Yob penell lenge: Čačepah, me bičrau t'men djob, mool oun djet yaake boud, te nay rhan t'men čalo. Oun i menshe dran vavar themma nay praasenn t'men bouder gar.

Zakarie 8:8

Me anau len khere oun moukau len an o foro Yerusalem te djivell. Yon te venn mire menshe. Oun me vau lengro Devel: Me moukau len gar, oun yon djivenn mantsa an o čačepen.”