Hosea 2:2 - O Debleskro Lab 2024 (Sinte-Manouche)

² Palle venn i menshe dran o them Youda oun i menshe dran o them Israel khetne. Oun khetne rodenn le penge yek pralstounes vin, te vell lo o ray pral lende. Oun yon djivenna an o tselo them. Havo baro dives vell ko dives, kay djal yaake, har o lab Yesreel kharell!

O Debleskro Drom 2021 (Sinte)

² Palle wenn i menshe dran o them Juda un i menshe dran o them Israel khetne. Un khetne rodenn le penge jek pralstunes win, te well lo o rai pral lende. Un jon djiwenna an o tselo them. Hawo baro diwes well ko diwes, kai djal jaake, har o lab Jesreel kharell!

Hosea 2:2 Iomraidhean Croise

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jeremia 19:3

Oun pen: Shounenn o baro Debleskro lab, t'mer bare raya pral o them Youda oun menshe an Yerusalem. Yaake penell o baro Devel, ko ray pral o bolepen oun i phoub, kay o Israeleskro Devel hi: Shounenn, me kamau bari bibarht pral kava foro te anell, kay hakeno, kay shounell kova, leskre kanda doukenna.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Jeremia 3:13

Tou hounte kress či, har te dikess dren, kay anal doosh ap toute, har hadal tout pre pral o baro Debleste, kay tiro Devel hi. Tou nashal kay te koy trouyel, te mangess vavar deblen an tel hake zenele rouka, oun shounal gar ap mire laba, penell o baro Devel.

Jeremia 3:18

Ap ko dives djan kol menshe dran o kheer Youda pash kol menshende dran o kheer Israel: Oun yon djan khetne khere dran o norden an ko them, hoy dom me t'mare phourende, te ačell kova lengro.

Ezekiel 16:20

Tire čave oun ča, kay hi mire čave, kolen lal tou oun dal len lenge moulo, te rhan le len pre. His touke gar doha, te moukal man?

Ezekiel 16:25

Oun kote kay i dromma khetne venn, kral mangepaskre platse oun kral te vas tiro shoukapen čadepaske. Oun soval hakeneha, kay vas touke ap o drom. Oun tiro loubyengro koova vas boudeder oun boudeder.

Ezekiel 20:4

Ap mande penas lo: Tou mensho, rake pral lende o čačepen vin! Kre kova! Rike lenge ko djoungelo koova glan i yaka, hoy lengre phoure kran!

Ezekiel 23:43

Oun me penom mange: Kolla kay yaake boud vavar morshentsa sovan, oun kolestar phouro oun khino van, krenn le doureder pengro loubyengro koova? Ava, yon nay moukenn les gar oun hi barhteles koy pashel.

Ezekiel 23:45

Doleske krenn čačepangre morsha pral lende o čačepen vin, oun denn len i phagi yaake har kol romyenge i phagi dino vell, kay rhorhran pengre romen oun maran menshen. Kal douy rhorhran pengro romes oun ap lengre vasta hi rat.

Hosea 1:2

Har rakras o baro Devel o ersto kopo ap o Hosea, te penell yob leskre laba i menshenge, penas lo ap leste: Rode touke i loubni oun romedine lat! Tout hounte vell čave, kay i loubyatar ap i phoub anlo venn. Yaake sikreh: I menshe an kava them hi har i loubni: Yon moukan man oun nashenn vavar deblenge palla.

Hosea 2:1

Oun i Israelitarya venn yaake boud har i santa pash o baro pani hi. Kek nay penella, har boud kote čiddo hi. His i tsiro, kay penas o Devel ap lende: “T'mer han gar mire menshe.” Palle vell i tsiro, kay ap lende penlo vell: “T'mer čave o djido Deblestar!”

Hosea 2:5

Te krell li kova gar, palle rivau lat vin, te hi li nanges čiddo, har ap ko dives, kay li boldo vas. Oun krau, te vell o them i moulo them, kay kek pani hi, kay hounte merell li i troushatar.

Hosea 4:5

Doleske perenn t'mer rashaya ap o dives, oun o Debleskro rakepaskro, kay pash t'mende hi, perell ratsyake. Oun o kheer Israel, t'mari day, krau paash.

Micha 2:13

Lengro pralstouno krell lenge o drom pre oun djal glan lende. Yaake phagenn le o foreskre voudya pre oun djan vin. Oun lengro baro ray djal glan lende. Kova hi o baro Devel, kay hi lengro pralstouno.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.