Hosea 2:18 - O Debleskro Lab 2024 (Sinte-Manouche)

¹⁸ Palle, penell o baro Devel, kharell li man pale miro rom, oun gar bouder miro Baal.

O Debleskro Drom 2021 (Sinte)

¹⁸ Palle, penell o baro Dewel, kharell li man pale ‘miro rom’, un gar buder ‘miro Baal’.

Hosea 2:18 Iomraidhean Croise

Hiob 5:22

Tou nay saneh, te vell kourepen oun bok, oun kol divye firhendar vell tout kek daar.

Hiob 5:23

I barra ap i harhetikri phoub hi tire mala, oun i divye firhe krenn touke či.

Debleskri gili 148:10

t'mer divye firhe oun khereskre firhe, tikne firhe oun čirkle!

Debleskri gili 23:2

Yob moukell man tele te čivell ap i phoub pherdo zenlepen, oun anell man pash lačo pani.

Debleskri gili 46:9

Avenn oun dikenn ko baro koova, hoy o baro Devel kras! Dareno koova krell lo ap i phoub:

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jesaja 2:4

Oun yob vell o čačepaskro ray, kay krell o čačepen vin mashkral i menshende dran i vavar themma, oun penell lenge, te moukenn le pengro čingepen. Oun kolla lenn palle pengre rhare oun vitsepaskre čourya, oun krenn lendar harhetikre koola, kolentsa boudrenn le nay an i phoub oun činenn i drakengre kashta tele. Oun palle kourenn pen i menshe dran yek them bouder gar i menshentsa dran i vavar them. Oun kek sikrell i vavaren bouder, har te marenn le pen.

Jesaja 26:1

Ap ko dives givenn le kay gili an o them Youda: Men hi i zorelo foro. O Devel čivas zorele massourya troul mende, te krell kek menge čilačepen.

Jesaja 32:18

Palle djivenn mire menshe an i them, kay kek kourepen hi, an khera, kay hounte vell len kek daar, te krell yek lenge čomone, oun ap platse, kay nay ačenn le, oun kek tradell len krik.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 65:25

O divyo djouklo oun o terno bakro rhan khetne yek pash o vavar. Oun o levo rhal phouss har i groumni, oun o sap hounte rhal čik. Kek krell čomone, hoy douka anell, vitar či, hoy čilačo hi ap miri tseli berga, kay djivau, penell o baro Devel.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Jeremia 30:10

Doleske ma dare, tou, miro boudepaskro Yakob! Ma traash, Israel, penell o baro Devel. Shoun, me lau tout oun tire čaven vin dran ko dour them, kay pandle han. T'mer venn khere an t'maro them. Kote djal t'menge mishto. Kek krell t'menge kote čilačepen. Či hounte krell t'menge daar.

Jeremia 33:16

An ko tsiro venn i menshe an Youda vin lino dran i čilače vasta, oun kolla an Yerusalem nay djivenn kek daryah. Oun o foro vell kharedo o baro Devel krell men čačo.

Ezekiel 34:25

Oun me pandau miro dji ap lende, oun krau lentsa vin, te nay djivenn le an o lačepen. Hake divye firhen tradau krik dran o them. Oun an o moulo them nay djivenn le kek daryah. Oun an i vesha sovenn le.

Ezekiel 39:1

Tou, mensho, pen ap o Gog, hoy pral leste vella! Pen: Kava penell o baro Devel, maro ray: Kanna sikrau les touke, Gog, tou pralstouno pral i natsyone Meshek oun Toubal.

Zakarie 14:4

Yob hi tardo ap o djeteskri berga, hoy glan o foro Yerusalem čiddo hi, kote kay o kham pre djala. Oun koy berga phagell mashkral an douy kotya, foun kotar kay o kham pre djal bis kote, kay o kham tele djal. Yek kotar djal ap i servi rig, o vavar kotar ap i čači rig. Oun mank kol douy berge hi i bourhli tala.

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

Zakarie 2:11

Stenn pre, t'mer menshe dran Sion, kay djivenn an o them Babilonia, nashenn t'menge!”

Zakarie 3:10

An ko emligo tsiro, moukell yek o vavares te penell: Am pash mande, te vas mer barhtelo tel i drakengre rouka oun tel i faygetikre rouka. Kova penell o baro Devel, ko ray pral o bolepen oun i phoub.

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.