Hosea 2:16 - O Debleskro Lab 2024 (Sinte-Manouche)

¹⁶ Doleske dik, me kamau lat te tserdell, oun kamau lat an o moulo tato them te anell. Oun kote rakrau kamles lah.

O Debleskro Drom 2021 (Sinte)

¹⁶ Doleske dik, me kamau lat te tserdell, un kamau lat an o mulo tato them te anell. Un kote rakrau kamles lah.

Hosea 2:16 Iomraidhean Croise

1. Mose 34:3

Oun yob kamas lat o djiyestar oun rakras lače labentsa ap late.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jeremia 3:14

Avenn pale, t'mer čave, kay nashan mandar krik, penell o baro Devel. Me hom t'maro ray. Me kamau t'mendar te lell yekes dran hako foro oun douy dran haki familya, oun kamau t'men an Sion te anell.

Ezekiel 20:35

Oun anau t'men an o moulo tato them mashkral kol vavar natsyone. Oun kote krau me o čačepen pral t'mende vin, yaake te dikas mer menge an i yaka.

Hosea 2:7

Lengri day nashas vavar morshenge palla, oun anas ladj ap peste. Yoy penas peske: “Me kamau mire pirnenge palla te nashell: Yon denn man, hoy man hounte vell djipaske: Maro oun pani, bakrengre balla oun layntikre thaba, djet oun mool.”

Johanni 3:29

Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

Debleskro tsiro 19:7

Te vas barhtelo, te givas oun stas, oun les sharas! O tsiro hi kanna kay, te romedinerell o terno bakro. Oun leskri pirni kras pes shoukar, te djal li leha.”

Čačepangre 19:3

Oun kote kras pes lakro rom ap o drom, oun djas lake palla, te rakrell lo lake an o dji, oun lell lat pale pale pash peste. Oun les his peskro boudepaskres oun douy esle pash peste. Oun yoy anas les an o peskro dadeskro kheer. Oun har lakro dad les dikas, djas lo barhteles pash leste,

Ruth 2:13

Yoy penas leske: “Tou hal yaake lačo ap mande, miro ray! Tou rakral lačes ap mande oun kral miro dji pale zoreles, ninna te hom me kek kol djouvyendar, kay touke boudrenna.”