Hosea 2:14 - O Debleskro Lab 2024 (Sinte-Manouche)

¹⁴ Me krau lakre drakengre rouka paash, ninna lakre faygetikre rouka, kolendar yoy penas: “Kolentsa playsran man mire pirne.” Me krau i divyo veesh dran lende. Oun kol roukengre, hoy pral ačenn, rhan i divye firhe.

O Debleskro Drom 2021 (Sinte)

¹⁴ Me krau lakre drakengre ruka paash, ninna lakre faigetikre ruka, kolendar joi penas: “Kolentsa plaissran man mire pirne.” Me krau i diwjo weesh dran lende. Un kol rukengre, hoi pral atchenn, chan i diwje vieche.

Hosea 2:14 Iomraidhean Croise

1. Mose 34:3

Oun yob kamas lat o djiyestar oun rakras lače labentsa ap late.

Hiob 36:16

Ninna tout anals o Devel vin dran i bibarht, oun anals tout kote kay bouder kek daar hi, oun dals tout lauter, hoy tout hounte vell djipaske. Oun t'mari rhapaskri vals pherdo lačo koova.

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Jeremia 16:14

Dikenn, vell ko tsiro, penell o baro Devel, kay vell gar bouder sovel dino kal labentsa: … pash o djido Debleste, kay las kol Israelitaryen vin dran o them Egiptia.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 45:4

Pen leske: Kova penell o baro Devel: Dik, miro them, hoy me bares krom, kova krau me paash. Mire menshe, kolendar i natsyona krom, tradau vin dran o them.

Ezekiel 20:10

Oun me anom len vin dran o them Egiptia, oun anom len an o moulo tato them.

Hosea 2:3

Penenn t'mare phralenge, te hi le mire menshe, oun ap t'mare phenya, te krau me miro dji lenge pre.

Micha 1:7

I tsele figure, hoy i menshe an-mangan, venn an kotya phagedo. Ava, kol rhorhene debla venn paash dino. Oun kova, hoy anan i menshe an i khera kol rhorhene deblendar, vell rhačedo. I menshe an Samaria nashan vavar deblenge palla har i loubni i morshenge palla nashell. Yaake lan le kava tselo koova khetne. Kolla, kay venn oun randenn len vin, lenn kava koova pentsa khere, oun anenn les an pengre deblengre khera.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Johanni 12:32

Te hom pral i phoub hadedo, tserdau lauteren pash mande.”

Johanni 6:44

Kek nay vell pestar pash mande. O dad, kay bičras man, hounte anell les pash mande. Oun koon pash mande vella, koles krau me i moulendar djido ap o palstouno dives.

Debleskro tsiro 12:14

Oun koy djouvyake van čirklengre moussya dino, har i baro čirkles hi, te nay djal li an o moulo them ap ko kotar phoub, kay yoy nay djivella dour krik ko sapestar. Kote ačell li triin-te-paash bersha. Oun kote lell li halauter te rhal oun te piyell.

Debleskro tsiro 12:6

Oun koy djouvel nashas an o moulo them, kay kek menshe djivenna. Kote hi o Debles lake i kotar phoub, kay ačell li deesh-te-douy-sheel-te-shob-desha (1.260) divessa, oun lell halauter, hoy lat hounte vella djipaske.

Čačepangre 19:3

Oun kote kras pes lakro rom ap o drom, oun djas lake palla, te rakrell lo lake an o dji, oun lell lat pale pale pash peste. Oun les his peskro boudepaskres oun douy esle pash peste. Oun yoy anas les an o peskro dadeskro kheer. Oun har lakro dad les dikas, djas lo barhteles pash leste,