Hosea 2:13 - O Debleskro Lab 2024 (Sinte-Manouche)

¹³ Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

O Debleskro Drom 2021 (Sinte)

¹³ Me krau, te wenn i Israelitarja buder gar bachteles khetne ap kol bare diwessa. Ap kek Debleskro diwes, ap kek diwes, kai well o newo tchon diklo, un ap kek wawar baro diwes wenn le buder khetne.

Hosea 2:13 Iomraidhean Croise

2. Rajengro liil 1:2

Ko baro ray, kay pal o Ahab vas, his o Ahasya. His i dives, har his lo an peskri pralstouni isema an o foro Samaria, koy peras lo tele dran i vorhni oun doukras pes. Oun yob bičras morshen an o foro Ekron oun penas ap lende: “Djan koy oun poučenn o deblestar Baal-Seboub, – kova hi o devel o forestar Ekron: Vau me pale sasto?”

2. Rajengro liil 10:28

Yaake kras o Yehou, te vell o devel Baal bouder gar sharedo an Israel.

2. Rajengro liil 21:3

Yob čivas kol moulne platse pale pre, kay i moule deblenge firhe rhačedo van. Kol platse das leskro dad, o Hiskiya, khetne. Oun o Manasse moukas rhačepangre te krell, kay firhe rhačedo venn o debleske Baal, kay i rhorheno devel hi. Oun yob kras i debletsa Ashera, har ko baro ray pral o them Israel, o Ahab, kova ninna kras. Oun yob mangas i bolepangre momlia an oun vitsras pes glan lende tele.

Hiob 8:13

Yaake djal hakeneske, kay o Debles bistrella. Kova, kay gar o Debleha djivell, koleske ačell či, hoy dell les pale nevi zoor.

Debleskri gili 106:13

Sik bistran le lauter, hoy yob kras, oun poučan gar, hoy yob lendar kamell.

Debleskri gili 106:21

Yon bistran ko Debles, kay lengro djipen dran o merepen vin las, oun baro koova an o them Egiptia kras,

Debleskri gili 78:11

Yon bistran, hoy yob lauter kras, – ko tselo baro koova, hoy yob ap lende kras oun hoy kek vavar nay krella.

2. Mose 32:34

Oun kanna dja pale! An kol menshen an ko them, kay me rakrom lestar. Miro bolepaskro djal glan toute. Te vell miro tsiro, dau i Israelitaryen pengri phagi.”

Jesaja 17:10

Israel, tou bistral tiro Debles, kova, kay tout vin las dran i čilače vasta. Tou bistral koles, kay his touke har i baro zorelo bar, pal koleste nay khatral tout. Oun kral touke pre-čidde barra, kay mangeh vavar deblen an. Ninna te čival kote shoukar drakengre rouka an i phoub,

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 18:15

har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.

Jeremia 2:32

Nay bistrell i terni čay peskro sonakay, i terni djouvel, kay kamell romedinerell, peskro biyabeskro ripen? Na-a! Mire menshe bistrenn man pale te pale.

Jeremia 23:2

Doleske penell o baro Devel, ko Devel pral o Israel, ap i pralstunende, kay hounte dans garda ap leskre menshende: T'mer rikran mire menshen gar khetne. Yon hi har bakre, kay van kate te kote tradedo. T'mer dan gar garda ap lende. Kanna dau me garda, te lenn t'mer t'mari phagi ko čilačepaske, hoy kran.

Jeremia 7:34

Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

Jeremia 7:9

T'mer han čorepangre oun marepangre, kay denn vavaren moulo, t'mer morsha rhorhenn t'mare romyen vavar djouvyentsa, t'mer djouvya, rhorhenn t'mare romen, vavar morshentsa, t'mer denn t'men sovel oun rikrenn koya gar dren, t'mer rhačrenn firhen o rhorheno debleske Baal oun nashenn pal vavar deblende.

Ropaskre gilja 1:4

I dromma pash i berga Sion hi mouklo. Kek vell an o foro an kol bare divessa. I tsele foreskre voudya hi pre, i rashayenge hi ropaske, i terne ča rovenna. Har pharo hi kova lauter o foreske!

Ropaskre gilja 5:14

I pralstoune hi bouder gar beshdo an o foreskro voudar. Oun i terne morsha bashrenn bouder gar ap i doryengre bashepangre.

Ezekiel 16:12

i goustri an tiro nak, oun kanengre an tire kanda, oun i kouč rayeskri stadi ap tiro shero.

Ezekiel 16:17

Oun tou lal ko kouč koova dran sonakay oun roup, hoy me tout dom, oun kral touke figure lestar, oun mangal len an, oun rhorhral man yaake lentsa.

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

Ezekiel 23:35

Tou bistral man oun sikral man o doumo. Doleske hidje kanna tiri doosh, hoy ap toute anal, har vi-ladjedo koova kral oun har i loubni djival. Kova penell o baro Devel, maro ray.

Hosea 11:2

Oun te kharau len kanna, nashenn le mandar krik, oun rhačrenn firhen i moule deblenge, oun soungepaskro koova glan i figure.

Hosea 13:1

His i tsiro, koy trissan i menshe, te rakras o Efrayim. Yaake an-diklo his lo an o them Israel. Palle vas i tsiro, koy djas lo o Debleskro dromestar tele, oun moukas pes o debleha Baal dren. Kova his leskro merepen.

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 2:5

Te krell li kova gar, palle rivau lat vin, te hi li nanges čiddo, har ap ko dives, kay li boldo vas. Oun krau, te vell o them i moulo them, kay kek pani hi, kay hounte merell li i troushatar.

Hosea 2:7

Lengri day nashas vavar morshenge palla, oun anas ladj ap peste. Yoy penas peske: “Me kamau mire pirnenge palla te nashell: Yon denn man, hoy man hounte vell djipaske: Maro oun pani, bakrengre balla oun layntikre thaba, djet oun mool.”

Hosea 4:13

Pral ap i berge marenn le firhen pengre rhorhene deblenge, oun ap i tikne berge rhačrenn le lenge soungepaskro koova, tel i bare oun bourhle rouka, kay gar yaake tato hi oun shoukar te beshell. Doleske venn lengre ča loubya, oun lengre čavengre romya rhorhenn pengre romen.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Hosea 8:14

I Israelitarya bistran koles, kay kras len. Yon krenn penge bare shoukar khera. Oun i menshe an o them Youda krenn penge zorele forya. Me, o baro Devel, vitsrau i yag an lengre forya, hoy lengre khera pre rhačrell.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Amos 8:10

T'mare bare divessa, kay hans barhtelo, venn kanna divessa, kay denn gole i bibarhtyatar. Oun t'mare gilya venna ropangre gilya. T'mer rivenn t'men an gone, oun činenn t'mare tsele balla ap o shero tele. Oun han yaake har i dad oun i day, kay pral pengro čaveste rovenn, kay meras, oun len hi kek vavar čave. Oun lauter, hoy djal an ko dives, krell i menshenge bari daar.

5. Mose 32:18

Ko Devel, kolestar t'mer van, oun kova, kay rikras t'men, koles čivan t'mer ap i rig. Ko Devel, kay kras t'men, koles bistran t'mer.

5. Mose 6:12

palle de yak, te bistress gar o baro Debles, kay anas tout vin dran o pandepen dran o them Egiptia.

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Čačepangre 3:7

Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.

1. Samuel 12:9

Yon bistran pengro baro Debles. Oun yob das len an i vasta kolendar, kay kouran pen lentsa: o Sisera, ko pralstouno lourdo o forestar Hazor, i Filistarya, oun o ray pral o them Moab.