Hosea 14:9 - O Debleskro Lab 2024 (Sinte-Manouche)

⁹ Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

O Debleskro Drom 2021 (Sinte)

⁹ Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Hosea 14:9 Iomraidhean Croise

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Debleskri gili 107:43

Koon gosevo hi, bistrell kova gar, oun hayvell, har lačo o baro Devel hi.

Debleskri gili 119:128

Tire tsele laba, hoy menge penal, hi mange mishto. Kamau či te djinell i rhorheno dromestar.

Debleskri gili 119:75

Baro Devel, me djinau, tou te deh i phagi, djah tou pal o čačepen. Touke his čačo har dal man i phagi.

Debleskri gili 84:5

Barhteles hi kolla, kay djivenn an tiro kheer. Hako tsiro hadenn le tout.

Debleskri gili 84:7

Te djan le an o tato them, nashell kote pani lenge vin. Oun o brishin moukell lauter zenelo oun baro te vell.

Gosewe laba 10:29

O drom o baro Deblestar hi har i zorelo kheer kolenge, kay an o čačepen tardo hi. I čilačen anell lo an o merepen.

Gosewe laba 16:21

Kova kay hayvell, hoy mishto oun gar mishto hi, kova vell kharedo gosevo morsh. Oun yek, kay lače laba hatsell, hi i lačo sikepaskro.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Jesaja 1:28

Khetne phagedo venn kolla, kay o Debleskro dromestar tele djan, khetne kolentsa, kay doosh ap pende anan. Oun kolla, kay o baro Debles moukan, hounte merenn.

Jesaja 17:8

Oun yon dikenn bouder gar ap kol moule deblen, hoy yon pengre vastentsa oun goushtentsa kran, – kol figuren, hoy sikrenn i debletsa Ashera, oun kol boba, kay lake soungepaskro koova rhačedo vell.

Jesaja 26:7

Tou kreh kolenge, kay o čačepen krenn, o drom, oun leh krik, hoy lenge an o drom čiddo hi.

Jeremia 29:12

Te denn t'mer man an-gole oun venn oun mangenn mandar, palle shounau me ap t'mende.

Jeremia 9:12

O baro Devel penell koy pre: Me sikrom len miro drom, oun yon moukan les, oun shounan gar ap mire laba, oun djivan gar koy pal.

Ezekiel 11:18

Te venn le kote khere, vitsrenn le kol tsele rhorhene deblen oun djoungele figuren vin dran o them.

Ezekiel 18:25

T'mer penenn: O Devel djal gar pal o čačepen. Shounenn, t'mer dran o kheer Israel! Djau me gar pal o čačepen? Hi gar yaake, te han t'mer kolla, kay djan gar pal o čačepen?

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Daniel 12:10

I djia boud menshendar venn djoudjo kerdo oun venn thodo, har sonakay an i yag thodo vell. Oun i čilače krenn doureder o čilačepen. oun hayvenn kava koova gar. Kokres kolla, kay o Debleskro drom prindjrenna, hayvenn ninna kava koova.

Zefanja 3:5

Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

Zakarie 10:6

Oun me krau o kheer Youda zoreles, oun vau ap i rig kolenge dran o kheer Yosef. Man hi i baro dji lenge, oun moukau len pale te djal an pengro them. Te venn le yaake har yon his, har krom len gomme gar pale-čiddo. Me, o baro Devel, hom lengro Devel oun shounau lengro mangepen.

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

Louka 7:23

Barhtelo hi kova, kay rhoyrell pes gar pral mande.”

Johanni 15:24

Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 8:47

Koon o Deblestar vella, shounella ap kova, hoy o Devel penella. T'mer venn gar lestar. Doleske shounenn t'mer gar ap leskre laba.”

Johanni 9:39

Oun o Yezous penas: “Me vom ap kay phoub, te sikrap i menshen, koon i doosh ap peste anas, oun koon kek doosh ap peste anas, yaake kay kolla, kay dikenn nay gar, dikenn nay. Oun kolla, kay dikenn nay, kolende sikrau me, kay yon či dikenna.”

Bičepangre 13:10

oun penas: “Tou bengeskro čavo! Tou hal pherdo čilačepen. Oun rhorhepen hi an toute. Tou kameh gar o čačepen. Oun moukeh gar tele o Debleskre čače dromma banges te krell.

Remarja 7:12

Mer djinah: O Moseskre laba venna o Deblestar. Lauter, hoy yob mendar kamella, vell lestar, oun hi čačo oun lačo.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!