Hosea 14:7 - O Debleskro Lab 2024 (Sinte-Manouche)

⁷ O Israel vell har i shoukar djeteskro rouk, koles boud bourhle moussya hi. Oun i shoukar khand djal lestar vin, har i khand i roukendar ap i berga Libanon.

O Debleskro Drom 2021 (Sinte)

⁷ O Israel well har i shukar djeteskro ruk, koles bud buchle mussja hi. Un i shukar khand djal lestar win, har i khand i rukendar ap i berga Libanon.

Hosea 14:7 Iomraidhean Croise

Debleskri gili 138:7

Ninna te hom an i daar, deh tou man nevi zoor, oun čiveh tout kolenge an o drom, kay kamenn mange čilačepen te krell. Tiri zoryah veh tou ap miri rig.

Debleskri gili 85:6

Kameh i tsele tsirya ap mende rhoyedo te ačell? Moukeh tou bouder gar tiri rholyatar tele?

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

Kamlepaskri gili 2:3

Har i phabyengro rouk mank i divye rouka an o veesh, yaake hi miro pirno mank i terne morshende. Barhteles hom beshdo an leskro shatto, oun leskre phabya hi goudlo mange.

Kamlepaskri gili 4:11

Miri pirni, tire čoumma hi har gvin, goudlo har gvin oun thoud. Oun tire koola, hoy ap toute hi, soungenna lačes har o Libanon soungella.

Kamlepaskri gili 6:11

An i roukengro baar djom tele, te dikap, har i rouka zenelo venn, oun har i drakengre rouka neve patria lenn, oun har i phabyengre rouka tikne phabya hidjrenn.

Jesaja 61:11

Yaake har moukell i phoub o zenlepen pre te djal, oun bares te vell, yaake moukell o baro Devel, maro ray, o čačepen pre te djal, oun maro sharepen bares te vell pash i menshende an i tsele themma.

Ezekiel 17:23

Pral ap koy bari berga an o them Israel, kote čivau les an i phoub. Oun yob lell boud kashta oun hidjrell roukengre, oun vell i raylo cedertikro rouk. Oun an leste djivenn boud čirkle oun hi khere mank leskre kashta.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

Hosea 2:21

Israel, tou veh miri romni hako tsireske. Me djau touha trouyel, har mishto oun čačo hi. Me hom lačes ap toute, oun krau miro dji pre touke.

Hosea 2:22

Me ačau hako tsiro pash toute. Oun tou prindjreh man, o baro Debles.

Hosea 6:2

Pal douy divessa dell lo men nevo djipen, oun ap o triinto dives moukell lo men pale ap i pire tardo te vell, te nay djivas glan leste.

Zakarie 8:12

Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

Johanni 11:25

Penas o Yezous ap late: “Me hom kova, kay djangrau len pre dran o merepen oun dau len o djipen. Koon ap mande patsella, djivella, ninna te merell yob.

Johanni 12:24

Čačepah, me penau t'menge: Te vell o djob gar an i phoub oun merell tele, anell lo nay kek nevo djob. Te merell lo tele, anell yob boud nevo djob.