Hosea 14:5 - O Debleskro Lab 2024 (Sinte-Manouche)

⁵ Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

O Debleskro Drom 2021 (Sinte)

⁵ Jaake penell o baro Dewel: Me anau mire menshen pale ap miro drom, kai le tele peran. Me kamau len o djijestar, un hom buder gar chojedo ap lende.

Hosea 14:5 Iomraidhean Croise

2. Samuel 23:4

kova hi har o kham, kay djal pre taysarlakro, ap i dives, kay kek volke hi. Kova hi har ko zenlepen, hoy vell pal o brishino dran i phoub vin.”

2. Rajengro liil 19:30

Oun kol menshe, kay pral ačan dran o kheer Youda, venna pale har i zorelo rouk, koleskre draba dour an i phoub djan oun ap koleskre kashta roukengre bares venna.

Hiob 29:19

Me homs har i rouk, koleskre draba djan bis pash o pani, oun koleskre kashta venn sapeno haki rat.

Debleskri gili 133:3

Kava hi yaake har o taysarlakro pani, hoy i berga Hermon tele nashella ap i berge Sion! Kote kamell o baro Devel peskri barht te dell, oun o djipen, hoy hako tsiro ačella.

Debleskri gili 72:16

An o them mouk boud djob bares te vell, te hi lo tardo bis pral ap i berge, yaake har o veesh ap i berga Libanon. An i forya mou venn yaake boud menshe har o zenlepen ap o them!

Debleskri gili 72:6

Mouk les te vell har o brishin, hoy perell ap i phoub, har o pani, hoy krell o them sapeno.

Debleskri gili 80:9

Dran o them Egiptia anal tou i drakengro rouk; tradal vavar menshen dran lengre themma, oun čival les an i phoub.

Debleskri gili 92:12

Me dikau tele ap kolende, kay mange čilačepen kaman, oun shounau i gole kol čilačendar, kay hadan pen ap mande.

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

Gosewe laba 19:12

Har koy gole, hoy i levo dell, hi i rholi o baro rayestar. Oun leskro lačepen hi har o brishin ap i phoub, hoy krell lat pale sapeno.

Kamlepaskri gili 2:16

Miro pirno hi miro, oun me hom leskri. Yob hatsell peskri barht mank i lilya.

Kamlepaskri gili 4:5

Tire douy čoučya hi har douy terne vesheskre bouzya, kay hi čiddo mank i lilya.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 18:4

O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 27:6

Ko tsiro vella, kay vell o Yakob pale zorelo. Ava, o Israel vell har i rouk, koles zorele draba hi, oun zenelo vell, oun ap koleste bloume pre djan, oun boud roukengre vin anenn. Kolendar vell i tseli phoub pherdo.

Jesaja 35:2

Shoukar har divye bloume vell o them, oun givell oun dell gole i barhtyatar. O baro Devel krell les raylo har i berge Libanon, oun shoukar har i berga Karmel oun i tala Sharon. Oun i menshe dikenn o raylepen o baro Deblestar, ko baro koova, hoy maro Devel kras.

Jesaja 44:3

Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.

Jesaja 45:8

Tou bolepen, de čačepen ap i phoub har brishin! Tou phoub, kre tout pre, oun an lačepen vin! Oun o čačepen mou vell baro ap toute! Me, o baro Devel krom kova lauter.

Jesaja 57:18

Lengre dromma dikom me, oun doleske krau yaake: Me krau len sasto, sikrau len o drom, oun rakrau lačes lentsa. Oun kolenge, kay rovenn,

Jesaja 57:19

čivau i gili an lengro mouy, kolah sharenn le man. Kolenge, kay dour krik hi, ninna kolenge kay gar dour hi, lenge halauterenge mou djal mishto, penell o baro Devel. Me krau len sasto.

Jeremia 3:22

Avenn pale pale, t'mer kay djan t'menge mandar! Oun me kamau lauter bistrell, hoy kran. Dik, mer vah pash toute. Tou hal o baro Devel, maro ray.

Jeremia 32:41

Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Micha 5:7

Kolla, kay ačan pral o Yakobeskre menshendar, hi i menshenge an i vavar themma har i levo mank i vavar firhende an o veesh, har i terno levo mank i bakre. Yob perell pral lende, marell len oun dandrell len khetne. Oun kek nay rikrell les pale.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Mateo 6:28

Hoske trashenn t'men, te vell t'men či an-ripaske? Dikenn, har ap o zenlepen shoukar bloume baro venna! Yon boudrenna gar oun krenn penge kek ripya.

Louka 12:27

Dikenn, har ap o zenlepen shoukar bloume baro venna! Yon boudrenna gar, oun krenn penge kek ripya. O baro ray Salomo an peskro tselo raylepen his gar yaake shoukar an-rido, har yek lendar.

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

5. Mose 32:2

Kova hoy me t'men sikrau, hi har o brishin ap o zenlepen. oun miro rakepen har i sapeno dourho ap o khass.