Hosea 14:3 - O Debleskro Lab 2024 (Sinte-Manouche)

³ Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

O Debleskro Drom 2021 (Sinte)

³ Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Hosea 14:3 Iomraidhean Croise

2. Familjakro liil 16:7

An ko tsiro vas o dikepaskro, o Hanani pash o Asa, ko rayeste pral Youda, oun penas ap leste: “Tou rikral tout ap o baro rayeste pral o them Syria, oun gar ap o baro Debleste, kay tiro Devel hi. Doleske nay nashas peske o ray pral Syria peskre lourdentsa dran tiro vast.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 146:3

Rikrenn t'men gar ap t'mare pralstunende! Menshe hi le oun nay lenn t'men gar vin dran i bibarht.

Debleskri gili 146:9

O baro Devel dell ap i vi-themarya yak, oun hi ap i rig kol čavendar, kolen kek dad bouder hi, oun ap i rig kol djouvyendar, kolengro rom meras. I čilačenge čivell lo barra an lengro drom.

Debleskri gili 33:17

Hi vitar gar i graya, kay nay lenn vin dran o kourepen, ninna te hi len bari zoor.

Debleskri gili 68:5

Givenn o Debleske! Bashrenn oun hadenn leskro lab! Krenn leske i drom, koleske, kay oulerell ap o bolepen. Baro Devel hi leskro lab. Avenn barhtelo oun givenn glan leste!

Jesaja 1:29

T'mer, kay mangan i bare rouka an, hounte ladjenn t'men koleske. Ava, t'mer venna lolo an o mouy dran ladj pral kol vavar deblen, hoy rodan vin oun mangan len an ap lengre shoukar platse.

Jesaja 2:20

Oun kol roupene oun sonakangre figure, hoy i menshe pen kran, te mangenn le len an, kolen vitsrenn le i kermusenge oun i fledertikre kermusenge koy.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 30:16

T'mer penenn: “Na-a, ap graya kamah sik te klissell. Mare graya hi sik naashepangre.” Ava, t'mer nashenn sik t'menge. Oun kolla, kay t'men palla lenn, nashenn gomme sikeder.

Jesaja 30:2

Mandar poučenn le gar, hoy te krenn le. Na-a, yon djan tele pash i Egiptaryen, te mangenn le o rayestar Farao, te vell yob ap lengri rig, oun te rikrell lo peskre vasta pral lende.

Jesaja 31:1

Djungeles djal kolenge, kay djan tele pash i Egiptaryen, te mangenn le lendar, te venn yon lenge ap i rig; oun patsenn, kay kolengre graya oun boud kourepaskre vourdya oun kol zorele klissepangre len vin lenn dran i čilače vasta. Oun ap o Israeleskro Debleste, kay kokres o Devel hi, dikenn le gar. Ava, pal o baro Debleste poučenn le gar!

Jesaja 31:3

I Egiptarya hi menshe oun kek debla. Oun lengre graya hi firhe, – len hi kek debleskri zoor. Ap ko tsiro, kay hadell o baro Devel peskro vast pre, te dell lo len, perenn kolla, kay van i vavarenge ap i rig, khetne kolentsa. Oun khetne merenn le.

Jesaja 36:8

Oun kanna krau touha vin an o lab miro rayestar, ko baro rayestar pral o them Assour: Me kamau touke 2.000 (douy zerya) graya te dell, te nay hatseh 2.000 morsha, kay klissenn len?

Jeremia 49:11

“Te hal bouder gar koy, dau me tire čaven, hoy len hounte vell, djipaske. Oun kol djouvya, kolengro rom meras, yon nay djinenn: Me vau lenge ap i rig.”

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Ezekiel 37:23

Oun yon mangenn bouder gar pengre rhorhene deblen oun djoungele figuren an, oun krenn pen bouder gar pale-čiddo dran kolende oun dran ko vavar djoungelo koova, hoy le kran. Me lau len vin dran lengri doosh, hoy le pale te pale ap pende anan, har le miro dromestar tele djan. Oun me krau, te hi le bouder gar pale-čiddo. Oun yon venn mire menshe, oun me vau lengro Devel.

Hosea 12:1

O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Hosea 13:2

Oun kanna krell o kheer Efrayim boudeder čilačo koova: Dran pengro roup krenn le penge figure, hoy vi-dikenn, har yon kamenn, oun hoy le an-mangenn. Morsha, kay lengri boudi mishto hayvenn, krenn len pengre vastentsa. I menshenge vell penlo: Koon anell čomone o Debleske, hounte čoumrell kal roupene terne groumyen!

Hosea 14:8

Oun me hom lenge har i rouk, kay leskre moussya pral lende rikrell, oun tel koleste yon beshdo hi. Oun lenge vell djob pale bares. Oun yon venn har i drakengro rouk, koles boud boud drake hi. Lačes vell pral lende rakedo, har pral koy mool dran o Libanon.

Hosea 2:17

Kote dau late pale lakro drakengro them, oun koy tala Akor vell lake har i baro voudar, pal koleste lake o kham pre djal. Oun kote nashell li pale kamles pal mande, har an ko tsiro, kay li terno his, har an ko tsiro, kay li dran o them Egiptia djas.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Hosea 5:13

Har dikas o Efrayim peskro nasslepen oun o Youda peskro doukepen, djas o Efrayim an o them Assour, oun poučas kote o baro rayestar, te vell lo leske ap i rig. Kova nay vell t'menge gar ap i rig, vitar gar nay krell lo t'maro doukepen sasto.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Hosea 8:6

I boudepaskro dran Israel kras koy figura. Doleske nay vell li kek devel. An kotya dino vell ko terno gouroum, hoy i menshe an Samaria an-mangenn!

Hosea 8:9

Yon djan pral an o them Assour kouč koveha. I divyi bourika ačell peske kokres. O Efrayim kamell malen peske te ginell.

Jona 2:10

Me kamau man pash toute te parkrell, oun anau touke firhen. Hoy man sovel dom, ko kamau te rikrell. Tou baro Devel, tserdal man vin dran o merepen!

Zakarie 13:2

O baro Devel, ko ray pral o bolepen oun i phoub, penell: An ko tsiro krau, te mangenn i menshe an o them Youda bouder kek rhorhene deblen an. Oun kolengre laba venn bistedo. Ninna kol rakepangre, kay penenn, te hi le Debleskre rakepangre oun hi kova gar, oun yon rakrenn, hoy i vavar dourho lenge penell, kolen tradau vin dran o them.

Johanni 14:18

Me moukau t'men gar kokres, har te vell t'men kek dad. Me vau pash t'mende.

5. Mose 17:16

T'maro rayes hounte vell gar boud graya oun hounte bičrell gar i Israelitaryen pale an o them Egiptia, te ginenn le leske graya. O baro Devel penas t'menge, te djan t'mer kava drom gar bouder pale.