Hosea 14:1 - O Debleskro Lab 2024 (Sinte-Manouche)

¹ I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

O Debleskro Drom 2021 (Sinte)

¹ I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Hosea 14:1 Iomraidhean Croise

2. Rajengro liil 8:12

Koy poučas o Hasael: “Hoske rovell miro ray?” Yob penas: “Me djinau, hoy tou kol Israelentsa kreh: Tou rhačreh lengre forya pre, oun lengre terne morshen deh o rhareha moulo, oun lengre terne čaven mareh tou ninna, oun kol djouvyen čineh tou pre, kay an vavar koova hi.”

Jesaja 19:22

Oun pal kova, kay das o baro Devel i Egiptaryen, krell lo len sasto. Oun yon venn pale pash leste. Oun yob moukell pes lendar te mangell oun krell len sasto.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 4:1

O baro Devel penell: T'mer Israelitarya, te kamenn t'maro čilačo drom te moukell, palle avenn pash mande! Te lenn t'mer kol djoungele deblen glan mire yaka krik, hounte nashenn bouder gar yek rigyatar ap i vavar.

Ropaskre gilja 5:16

Mer nashram maro raylepen. Mari doosh, hoy anam ap mende, anas men an i bibarht!

Ezekiel 16:46

Tiri phoureder pheen hi i Samaria peskre čentsa, kolla ap i servi rig toutar djivenn. Oun tiri tikni pheen, hoy ap i čači rig toutar djivell, hi i Sodom peskre čentsa.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Ezekiel 33:14

Oun te penau ap o čilačeste: Tou meress! Oun yob moukell peskro čilačo drom oun krell kanna, hoy mishto oun lačo hi,

Hosea 10:12

Djivenn an o čačepen, te vell lačepen dran t'maro djipen! Krenn t'maro dji neves pre o baro Debleske, yaake har i harho i nevo kotar phoub pre krell o djobeske. Kanna hi o tsiro, te rodenn man, o baro Debles. Palle vau oun čorau o lačepen pral t'mende vin har i brishin.

Hosea 12:6

yob, o ray pral o bolepen oun i phoub, leskro lab hi baro Devel.

Hosea 12:8

O Efrayim hi har i parepaskro. An leskro vast hi i vaga, hoy o rhorheno pharepen sikrell. Yob hi barhtelo, te nay dell lo i vavaren pral o kand.

Hosea 13:9

Israel, mange sikral o doumo, kay me kokres kova hom, kay nay lell tout dran o merepen vin. Yaake aneh bibarht pral toute.

Hosea 4:8

T'mer rashaya rhan ko mass, hoy denn i menshe o Debleste pengri doshake. Doleske han t'mer barhtelo pral i menshengri doosh.

Hosea 5:5

Lengre pre-phourde djia sikrenn, har boud doosh ap lende hi. Dran lengri doosh perenn i Israelitarya an i bibarht. Ninna i menshe dran o them Youda perenn lentsa khetne.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Hosea 9:13

Har me dikom o Efrayimes, his lo har i terni palma, tardo ap shoukar zenlepen. Kanna hounte dell lo peskre čaven an i vasta kolendar, kay marenn len.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Amos 1:13

O baro Devel penell: I menshe an o them Ammon kran pale te pale djoungelo koova. Har kouran le pen an o kourepen, te lenn le i bareder them, činan le djouvyen pre, kay vavarčandes his an o them Gilead. Doleske lenn le pengri phagi, oun khaytenn man gar.