Hosea 13:2 - O Debleskro Lab 2024 (Sinte-Manouche)

² Oun kanna krell o kheer Efrayim boudeder čilačo koova: Dran pengro roup krenn le penge figure, hoy vi-dikenn, har yon kamenn, oun hoy le an-mangenn. Morsha, kay lengri boudi mishto hayvenn, krenn len pengre vastentsa. I menshenge vell penlo: Koon anell čomone o Debleske, hounte čoumrell kal roupene terne groumyen!

O Debleskro Drom 2021 (Sinte)

² Un kanna krell o kheer Efrajim budeder tchilatcho koowa: Dran pengro rup krenn le penge figure, hoi wi-dikenn, har jon kamenn, un hoi le an-mangenn. Mursha, kai lengri budi mishto haiwenn, krenn len pengre wastentsa. I menshenge well penlo: Koon anell tchomone o Debleske, hunte tchumrell kal rupene terne grumjen!

Hosea 13:2 Iomraidhean Croise

1. Rajengro liil 19:18

Oun me moukau efta zerya (7.000) morshen djido an Israel, kolla kay peran gar ap pengre čanga glan o debleste Baal oun čoumras les gar.”

2. Familjakro liil 28:13

Oun yon penan ap lende: “Ma anenn kol pandlen kate pash mende! Te krenn kova, anenn t'mer i doosh pral mende glan o baro Debleste, oun krenn, te vell mari doosh gomme bareder har li hi. Doha doosh anam pral mende. Oun o baro Debles hi i bari zoreli rholi ap Israel.”

2. Familjakro liil 33:23

Oun yob sikras gar o baro Debleste, kay les khaytas, hoy yob kras, har leskro dad o Manasse kras. Na-a, yob las gomme boudeder doosh ap peste.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Jesaja 1:5

Han gomme gar doha dino? Hoske rikrenn t'mare djia pandlo oun djan doureder ap t'maro čilačo drom? T'maro tselo shero hi pherdo doukepen, oun t'maro tselo dji hi nasselo.

Jesaja 30:1

O baro Devel penell: Djungeles djal mire čavenge, kay mandar tele peran, oun kay penge kova glan lan, te krenn le hoy gar mandar vin djas. Yon čivenn pen vavarentsa khetne, har me kova gar kamau. Oun yaake anenn pale te pale le doosh ap pende.

Jesaja 44:11

Dik, halauter, kay les an-mangenn, hounte ladjenn pen. Oun kolla, kay ko debles pengre vastentsa kran, hi menshe oun či vavar Mou venn le halauter khetne glan o čačo Debleste! Palle taprell len i daar, oun an i ladj hi le koy tardo halauter.

Jesaja 45:20

Avenn khetne, t'mer, kay nashan t'menge glan o kourepen dran boud themma! Avenn pash mande, te kras o čačepen vin! Kolla, kay hidjrenn pengre deblen pentsa, hayvan či, yon mangenn deblen an, kay nay venn lenge gar ap i rig.

Jesaja 46:6

Kol menshe, kay krenn pen i rhorheno devel, lenn sonakay dran lengri possita, oun čivenn roup ap i vaga, te playsrenn le koles, kay hayvell mishto te boudrell an sonakay oun roup, te krell lo kolestar i devel lenge. Glan koleste vitsrenn yon pen tele ap i phoub, oun mangenn les an.

Jesaja 46:8

Bistrenn kova gar, t'mer, kay peran o Debleskro dromestar tele! Moukenn les an t'maro dji te djal!

Jeremia 10:4

Palle čivell lo roup oun sonakay koy pre, oun čivell koy figura ap pire, dell nagle an late, te ačell li nay tardo.

Jeremia 10:8

Lauter hi yon dinelo oun narvelo, kolla, kay mangenn o kasht an. Kol debla nay sikrenn lende či.

Jeremia 8:5

Hoske nashrenn pen kal menshe an o foro Yerusalem pale te pale, oun rissrenn gar trouyel? Yon ačenn pash kol rhorhene deblende, oun kamenn gar palpale pash mande te vell.

Hosea 10:1

O Israel hi har i sasto drakengro rouk, ap koleste boud drake bares venn. Oun har i menshe bravelo oun bravleder van, kran le penge boud oun boudeder altare i rhorhene deblenge. Kote, kay o them o lačeder his, čivan le i shoukar bare barra lenge pre.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 11:2

Oun te kharau len kanna, nashenn le mandar krik, oun rhačrenn firhen i moule deblenge, oun soungepaskro koova glan i figure.

Hosea 11:6

An lengre forya djal o rharo trouyel, oun dell i rhorhene rakepangren moulo, te nay krenn le bouder gar, hoy le penge glan lan.

Hosea 14:3

Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

Hosea 2:8

Doleske čivau soubyengre bourra ap lakro drom oun krau i massouri, te nay hatsell li peskro drom gar.

Hosea 4:17

I menshe an o them Efrayim moukan pen rhorhene deblentsa dren. Mou te krenn le har kamenn le!

Hosea 8:4

Yon kran penge bare rayen, kay gar mandar vi-rodede his. Pralstoune čivan le pral pende, oun poučan man gar. Dran lengro roup oun sonakay krenn le penge rhorhene debla – yaake nashenn le an pengri bibarht.

Hosea 8:5

T'mer an o foro Samaria, ko sonakaskro terno gouroum, koles t'mer an-mangenn, hi mange pale-čiddo. Miri rholi pral t'mende hi zorelo. Har rah ačell kova yaake, te rikrenn ap ko pale-čiddo koova?

Hosea 8:6

I boudepaskro dran Israel kras koy figura. Doleske nay vell li kek devel. An kotya dino vell ko terno gouroum, hoy i menshe an Samaria an-mangenn!

4. Mose 32:14

Oun kanna krenn t'mer ko emligo koova! T'mer han čače čave t'mare dadendar! Morsha, kay o Debleskro drom tele djan oun krenn, te vell o baro Debleskri rholi pral Israel bareder.

Remarja 11:4

Hoy penas o Devel leske? Yob penas: Efta zerya morsha ačan mange pral. Kolla čivan pen gar tele ap i čanga glan o Baal.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

1. Samuel 10:1

Oun o Samuel las o khoro, kay o kouč djet dren hi, oun čoras les pral o Sauleskro shero. Oun yob čoumras les oun penas: “Ko djet sikrella, te čivas tout o baro Devel pral peskre menshende, te vess lengro ray.