Hosea 13:11 - O Debleskro Lab 2024 (Sinte-Manouche)

¹¹ Me dom t'men i ray an miri rholi, oun an i rholi lom les t'mendar pale krik.

O Debleskro Drom 2021 (Sinte)

¹¹ Me dom tumen i rai an miri choli, un an i choli lom les tumendar pale krik.

Hosea 13:11 Iomraidhean Croise

Gosewe laba 28:2

Te hi boud čilačepen an o them, venn ninna boud raya pre. Te vell savo morsh o ray, kay djinell boud oun hayvell lauter mishto, palle hi o čačepen i rah tsiro an o them.

Hosea 10:3

Palle hounte penenn le: “Mer shounam gar ap o baro Debleste, doleske hi men kanna bouder kek baro ray. Ninna te vals men yek baro ray, nay krals lo bouder či menge!”

Hosea 10:7

O ray pral o foro Samaria hi bouder gar koy, har i patri ap o pani vas lo krik hidjedo.

Hosea 3:4

Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

Hosea 8:4

Yon kran penge bare rayen, kay gar mandar vi-rodede his. Pralstoune čivan le pral pende, oun poučan man gar. Dran lengro roup oun sonakay krenn le penge rhorhene debla – yaake nashenn le an pengri bibarht.

1. Samuel 10:17

Oun o Samuel moukas i Israelitaryen khetne gole te dell an Mispa, te venn le glan o baro Debleste.

1. Samuel 10:19

T'mer vitsran kava dives t'maro Debles ap i rig, koles, kay las t'men vin dran t'mari daar oun t'maro pharo djipen. Ap koleste penan: Čip i baro rayes pral mende! Kanna mishto! Avenn glan o baro Debleste! Haki bari familya, hoy vell pal yekeste kol deesh-te-douy Yakobeskre čavendar vell tardo peske, oun mank lende ninna hako dadeskro kheer.”

1. Samuel 12:1

Oun o Samuel penas ap i tsele Israelitarya: “Me shounom ap lauter, hoy t'mer mange penan, oun čivom i baro rayes pral t'mende.

1. Samuel 12:13

Kanna dikenn: “Kate hi t'maro baro ray, koles t'menge vin rodan oun mandar mangan. O baro Devel čivas les pral t'mende.

1. Samuel 15:26

“Na-a”, penas o Samuel, “me djau gar touha pale; tou vitsral o baro Debleskro lab ap i rig. Oun o baro Devel vitsras tout ninna ap i rig, yaake te vess tou bouder kek ray pral o Israel.”

1. Samuel 16:1

Oun o baro Devel penas ap o Samuel: “Har rah kameh tou gomme pal o Saul te rovell, koles me pale čivom, te vell lo bouder gar o ray pral o Israel? Le kanna i toushni djet touha, oun kre tout ap o drom! Me bičrau tout pash o Isay an o foro Betlehem. Mank leskre morsh čavende hi kova, koles me mange vin rodom, te vell yob baro ray.”