Hosea 13:1 - O Debleskro Lab 2024 (Sinte-Manouche)

¹ His i tsiro, koy trissan i menshe, te rakras o Efrayim. Yaake an-diklo his lo an o them Israel. Palle vas i tsiro, koy djas lo o Debleskro dromestar tele, oun moukas pes o debleha Baal dren. Kova his leskro merepen.

O Debleskro Drom 2021 (Sinte)

¹ His i tsiro, koi trissan i menshe, te rakras o Efrajim. Jaake an-diklo his lo an o them Israel. Palle was i tsiro, koi djas lo o Debleskro dromestar tele, un mukas pes o debleha Baal dren. Kowa his leskro merepen.

Hosea 13:1 Iomraidhean Croise

1. Mose 2:17

Kokres ko rouk, kay della gosvepen, hoy hi lačo oun hoy hi čilačo, kolestar te rhas tou gar. Te rhah kolestar, mereh.”

1. Rajengro liil 12:25

Oun o Yerobeam čivas o foro Sichem pale pre ap i berge Efrayim oun djivas kote. Palle djas lo kotar vin oun kras o foro Penouel zorleder.

Hiob 29:21

Yon shounan, hoy man penepaske his. Oun rakran či, bis te penom lenge, hoy te krenn le.

Hiob 29:22

Pal mande penas bouder kek vavar čomone. Mire laba peran ap lende tele har lačo brishin.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Hosea 11:2

Oun te kharau len kanna, nashenn le mandar krik, oun rhačrenn firhen i moule deblenge, oun soungepaskro koova glan i figure.

Hosea 2:10

Yoy kamas gar te hayvell, kay me homs kova, kay dom lat djob, mool oun djet, ninna boud roup oun sonakay. Oun kova das li o moulo debleske, o Baal.

Hosea 2:8

Doleske čivau soubyengre bourra ap lakro drom oun krau i massouri, te nay hatsell li peskro drom gar.

Hosea 8:4

Yon kran penge bare rayen, kay gar mandar vi-rodede his. Pralstoune čivan le pral pende, oun poučan man gar. Dran lengro roup oun sonakay krenn le penge rhorhene debla – yaake nashenn le an pengri bibarht.

4. Mose 10:22

Pal lende djan kol menshe dran o kheer Efrayim. Lengro pralstouno his o Elishama, koleskro dad o Ammihoud hi. Lentsa djan kol menshe dran o kheer Manasse oun dran o kheer Benyamin. O pralstouno pral o kheer Manasse hi o Gamaliel, leskro dad hi o Pedazur. Oun o pralstouno pral o kheer Benyamin his o Abidan, leskro dad hi o Gidoni.

4. Mose 13:16

Kalla hi i laba kol morshendar, kolen o Mose bičras, te hatsenn le vin, har ko them hi. Oun o Mose das o Hoshea o lab Yosua. Koleskro dad his o Noun.

4. Mose 13:8

O Hoshea, koleskro dad o Noun hi, dran o kheer Efrayim.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Remarja 5:12

Hi yaake: O čilačepen vas ap i phoub, har yek mensho, o Adam, čomone kras, hoy o Devel gar kamas. O čilačepen anas o merepen ap i phoub. Yaake vas o merepen pash i tsele menshende. Lauter kran o čilačepen, oun lauter hounte merenn.

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

Josua 3:7

Oun o baro Devel penas ap o Yosua: “Kava dives krau me tout bares glan i yaka i tsele Israelendar, te hayvenn le: Yaake har homs o Moseha, yaake hom ninna touha!

Čačepangre 12:1

Oun i morsha dran Efrayim van khetne gole dino. Oun djan vergel o pani Yordan, oun doureder pre pash o foro Zafon. Oun penan ap o Yefta: “Hoske djal tou an o kourepen, te kouress tout i Ammonentsa? Oun men moukal gar gole te dell, te djas touha? Doleske rhačrah tiro kheer khetne touha pre!”

Čačepangre 8:1

I morsha dran o kheer Efrayim penan ap leste: “Har nay kral tou savo kova mentsa, te djal an o kourepen i Midianentsa, oun moukal men gar gole te dell?” Oun yon čingran zoreles ap leste.

1. Samuel 15:17

Oun o Samuel penas: “Hi gar yaake? Har hals tikno an tire yaka, val tou o pralstouno pral o Israel. O baro Devel kras, te val o baro ray pral i deesh-te-douy bare familye, kay venna o Israeleskre deesh-te-douy morsh čavendar.