Hosea 12:8 - O Debleskro Lab 2024 (Sinte-Manouche)

⁸ O Efrayim hi har i parepaskro. An leskro vast hi i vaga, hoy o rhorheno pharepen sikrell. Yob hi barhtelo, te nay dell lo i vavaren pral o kand.

O Debleskro Drom 2021 (Sinte)

⁸ O Efrajim hi har i parepaskro. An leskro wast hi i waga, hoi o chocheno pharepen sikrell. Job hi bachtelo, te nai dell lo i wawaren pral o kand.

Hosea 12:8 Iomraidhean Croise

Debleskri gili 49:6

Hoske te darap an i čilače divessa, kay kolla troul mande hi, kay mange čilačepen kamenna?

Debleskri gili 52:7

Doleske phagell tout ninna o Devel hako tsireske. Yob stakrell tout khetne, vitsrell tout vin dran tiro kheer, lell tout krik kay phoubyatar, kay djivah.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

Gosewe laba 30:12

Hi menshe koy, kay an pengre yaka djoudjo hi, oun lengro djoungelo koova vas gar tele thodo.

Gosewe laba 30:20

I djouvel, kay rhorhell peskro romes oun sovell i vavareha, thovell pes pal kova oun penell: “Me krom kek čilačepen”, yaake har te rhals li oun thovals peske o mouy tele.

Jeremia 2:23

Har nay peneh tou: Me krom man gar pale-čiddo? Me nashom gar kol deblenge palla, hoy kharenn Baal. Dik ap toute, hoy tou kreh an i tala! Ma biste, har djival! Har i khamela, kay hi bipandlo, nasheh tou trouyel,

Jeremia 2:35

peneh tou: Me krom či. O baro Devel hi bouder gar rhoyedo ap mande. Djiness, me dau tout i phagi koleske, kay tou penal: Me krom kek čilačepen.

Jeremia 5:27

oun kolen čirklengre khera pherde čirkle hi. Yaake hi lengre khera pherdo čoredo koova. Doleske van yon baro oun bravelo.

Ezekiel 28:5

Bari gosvepah paral tiro koova oun val bravelo oun bravleder. Tiro tselo bravlepen kras tout pre-phourdo.

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Hosea 4:8

T'mer rashaya rhan ko mass, hoy denn i menshe o Debleste pengri doshake. Doleske han t'mer barhtelo pral i menshengri doosh.

Amos 8:5

T'mer penenn t'menge: Mou djal o Debleskro dives sik trouyel, ninna ko baro dives, hoy sikrell, kay o nevo čon vas! Palle nay krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, oun boudeder love har čačo hi, oun čivah save barra ap i vaga, te rhorhas mer i ginepangre.

Habakuk 1:16

Lengre mačengre gone oun lengre netse hi lenge har debla. Lenge rhačrenn le firhen oun soungepaskro koova, te parkrenn len pen, kay yon lenge yaake boud bravlepen oun lačo rhapen anan.

Zakarie 11:5

Lengre raya marenn len, oun kova djal lenge gar an o dji. Yon bikrenn len oun penenn: Sharedo vell o baro Devel! Mer ham bravelo. Ninna kol morshen, kay ap i bakre yak denn, hi kek dji lenge.”

Maleachi 2:17

T'mer rhoyrenn o baro Debles t'maro rakepah! T'mer penenna: Har rhoyram mer les? T'maro rakepen hi: An o baro Debleskre yaka hi i čilače lačo. Yob kamell len. T'mer penenn ninna: Kay hi o Devel, kay men i phagi della?

Maleachi 3:13

T'mer rakrenn djoungelo koova pral mande, penell o baro Devel. T'mer poučenn: Hoy penam pral toute?

Louka 10:29

Oun ko morsheske his kova, hoy o Yezous leske penas, gar doha, oun yob poučas pale: “Koon hi kol vavar, te vap lačes ap lende?”

Louka 12:19

Oun me nay penau ap mande: Kova krom mishto. Kanna hi man boud bersha lačo koova o djipaske oun boudrap bouder gar. Me rhau oun piyau oun krau miro djipen mange mishto.

Louka 16:13

Kek boudepaskro boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, ko vavares kamals yob o djiyestar. Tou nay boudreh gar o Debleske oun leh tiro bravlepen khetne!”

Louka 16:15

Koy penas o Yezous ap lende: “Glan i menshengre yaka kamenn t'mer lačo te vell. O Devel prindjrell t'maro dji. Hoy pash i menshende boud molella, hi či moldo an o Debleskre yaka.

5. Mose 8:17

Oun t'mer te nay penenn gar an t'mare djia: Miri zoor oun mire vastengri boudi anas mange kava tselo bravlepen!

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.

Debleskro tsiro 3:17

T'mer penenna: Mer ham bravelo, oun men hi halauter; či hounte vell men bouder. Me penau t'menge: T'mer djinenn gar, te han an i bibarht, yaake te khaytenn t'mer man. T'mer han čorvelo oun nango oun korelo.