Hosea 12:6 - O Debleskro Lab 2024 (Sinte-Manouche)

⁶ yob, o ray pral o bolepen oun i phoub, leskro lab hi baro Devel.

O Debleskro Drom 2021 (Sinte)

⁶ job, o rai pral o bolepen un i phub, leskro lab hi ‘baro Dewel’.

Hosea 12:6 Iomraidhean Croise

1. Mose 49:18

Baro Devel, ab ap miri rig!

Debleskri gili 123:2

Yaake har i boudepaskro ap o vast peskro rayestar dikella, oun i boudepaskretsa ap i vasta peskri ranyatar dikella, yaake dikah mer ap maro baro Debleste, bis te krell lo menge peskro dji pre.

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Gosewe laba 1:23

Te shounans ap mande, har dom t'men trad, sikroms t'mende, hoy an miro dji hi, oun moukoms t'men mire laba te hayvell.

Gosewe laba 21:3

Te djah o čačo drom oun djiveh pal o Debleskro čačepen, hi kova o baro Debleske boudeder moldo har te anals leske firhen.

Jesaja 1:16

Thovenn t'men, krenn t'men djoudjo! Anenn t'maro čilačo koova, hoy kran, dran mire yaka krik. Moukenn o čilačepen!

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 31:6

T'mer Israelitarya, rissrenn trouyel pash o baro Debleste, kolestar t'mer yaake dour tele peran!

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Jeremia 22:15

Yoyakim, patseh tou, kava cedertikro kasht krell dran toute i baro ray? Tiro dad, o Yosia, rhas oun piyas ninna lačo koova! Oun yob rikras pes ap o Debleskro čačepen, oun kras, hoy mishto oun čačo his. Oun doleske moukas leske o baro Devel mishto te djal.

Ezekiel 18:30

Doleske penau me, o baro Devel, t'maro ray: Me krau o čačepen vin pral t'mende dran o kheer Israel – pral hakeneste, yaake har djivas lo. Moukenn t'maro čilačo drom! Krenn bouder gar ko tselo čilačo koova, hoy kran, te anenn kek doosh ap t'mende.

Hosea 10:12

Djivenn an o čačepen, te vell lačepen dran t'maro djipen! Krenn t'maro dji neves pre o baro Debleske, yaake har i harho i nevo kotar phoub pre krell o djobeske. Kanna hi o tsiro, te rodenn man, o baro Debles. Palle vau oun čorau o lačepen pral t'mende vin har i brishin.

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Joel 2:12

“Ninna kanna”, penell o baro Devel, “nay moukenn t'maro čilačo drom oun venn pash mande. Avenn t'maro tselo djiyeha, rhan či oun rovenn, denn gole i bibarhtyatar!

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Amos 5:24

Krenn lauter, te vell hakeneske peskro čačepen! Moukenn o čačepen te nashell an o tselo them har i lengsto pani, hoy les hako tsiro pani hi.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

Zakarie 1:3

Kanna penau t'menge: Avenn pale pash mande! Oun me vau pash t'mende!

Zakarie 7:9

Me, o baro Devel, ko ray pral o bolepen oun i phoub, penom glan boud bersha mire menshenge: “T'mer hounte denn yak, te vell o čačepen kerdo. Oun hakeno hounte krell peskro dji pre peskro phraleske oun vell leske lačes.

Zakarie 8:16

Kova hi, hoy hounte krenn t'mer: Rakrenn o čačepen yek o vavareha. Denn hakeneste peskro čačepen, te vell o čingepen krik lino.

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 26:20

Me djom an o foro Damaskus, oun palle an ko foro Yerusalem. Oun i tsiro koy pre djom an ko them Youdea. Oun pal kova djom pash kolende, kay kek bibolde hi, oun penom lauterenge, te moukenn le pengro čilačo drom, oun te djan le ap o Debleskro drom, oun te djivenn le yaake, kay i vavar dikenna, kay yon pengro phouro djipen moukan.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.