Hosea 12:2 - O Debleskro Lab 2024 (Sinte-Manouche)

² O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

O Debleskro Drom 2021 (Sinte)

² O Efrajim kamell o ducho dren te taprell, un nashell o tato ducho palla, kai well kotar, kai o kham pre djal. Un hako diwes krell lo budeder chochepen un randepen. Jon tchiwenn pen o themeha Assur khetne, un anenn djet an o them Egiptia.

Hosea 12:2 Iomraidhean Croise

2. Rajengro liil 17:4

Pal i tsiro bičras o Hoshea bičepangre pash o baro rayeste pral o them Egiptia, – leskro lab his So – te krell lo pes koleha khetne. Oun o Hoshea bičras bouder kek roup oun sonakay o baro rayeste pral o them Assour. Har kova kava koova shounas, moukas lo les te taprell oun vitsras les an o stilepen.

Hiob 15:2

Te vals čačepah gosevo, rakrals gar save pre-phourde laba! Kava, hoy tou kate rakreh, hi či har i tato dourho.

Debleskri gili 78:36

Kova, hoy le leske penan, his rhorhedo. oun lengre laba his rhorhepen.

Sikepaskro 5:15

Yob hounte djal, har lo vas. Kova hi i bari bibarht leske. Leskri phari boudyatar ačell leske či. Kova hi, har te marals lo pes tele čičeske.

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 24:21

Oun ap ko dives dell o baro Devel i bolepangre lourden lengri phagi, oun ninna i bare rayen ap i phoub.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jesaja 30:6

Kate sikrell o Devel, hoy pral i firhende an o moulo tato them Negev vella: An o them pherdi daar oun traash, kay djivenn o levo oun i levetsa, ninna čilače sapa oun vavar sapa, kolengro dandepen o merepen anell, kote hounte hidjrenn i bourike pharo koova ap pengro doumo, oun i khamele boud kouč koova ap pende, hoy anenn i menshe dran Youda pash kol menshende, kolendar yon či hi.

Jesaja 59:18

Kolen dell lo pale pal kova, hoy yon kran. Bari rholyah djal lo ap lende. Ninna kolen dell yob pengri phagi, kay djivenn dour krik vergel o baro pani.

Jeremia 25:31

Ninna i menshe an dour themma shounenn les. O baro Devel hi o čačepaskro ray pral i menshende an i tsele themma, oun rakrell pral halauterende o čačepen vin. I čilačen dell lo koy, te venn le maredo o rhareha. Kova penas o baro Devel.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.

Hosea 7:1

Hako kopo, kay kamau mire menshenge lauter pale mishto te krell, palle sikrell pes, havi doosh o Efrayim ap peste anas, oun har baro o čilačepen kol menshendar an o foro Samaria hi. Yon hi rhorhepangre. Čorepangre phagenn an i khera dren. Oun randepangre čorenn i menshen vin ap o drom.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Hosea 7:2

Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

Hosea 8:10

Ninna te denn le love kol rayende pral i vavar themma, kamau len me khetne te lell, te dap len i phagi. An i tikno tsiro hounte djan le doukentsa tel o pharepen, hoy čivell o baro ray dran o them Assour ap lende.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 8:9

Yon djan pral an o them Assour kouč koveha. I divyi bourika ačell peske kokres. O Efrayim kamell malen peske te ginell.

Hosea 9:15

O baro Devel penell: Lengro tselo čilačepen krenn le kote pash o foro Gilgal; kote rhoyrom man pral lende ko tselo čilačepaske, hoy yon kran. Doleske tradau me len dran miro kheer vin. Me kamau len bouder gar. Lengre tsele pralstoune moukenn pen či mandar te penell.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

Amos 2:4

O baro Devel penell: I menshe an o them Youda kran pale te pale djoungelo koova. Miro drom oun mire laba his lenge či moldo. Oun yon kran gar, hoy lendar kamom. Yon moukan pen o čačo dromestar tele te anell oun mangan kol rhorhene deblen an, kolen ninna lengre phoure an-mangan. Doleske lenn le pengri phagi, oun khaytenn man gar.

Micha 6:2

Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Remarja 2:6

Ap ko dives dell lo hakenes pal kova, hoy yob kras.

Galatarja 6:7

Ma patsenn, te krenn nay o Debleha, har t'mer kamenna! T'mer te krenn lačo koova, lenn t'mer lačo koova pale pale. T'mer te krenn čilačo koova, lenn t'mer čilačo koova pale pale.