Hosea 11:9 - O Debleskro Lab 2024 (Sinte-Manouche)

⁹ Me kamau gar yaake te krell, har mange les miri tati rholi penella. Oun kamau gar te dap o Efrayimes pale pre. Me hom o Devel, oun kek mensho. Me, ko yek čačo Devel, hom mank t'mende, oun vau gar, te marap t'men.

O Debleskro Drom 2021 (Sinte)

⁹ Me kamau gar jaake te krell, har mange les miri tati choli penella. Un kamau gar te dap o Efrajimes pale pre. Me hom o Dewel, un kek mensho. Me, ko jek tchatcho Dewel, hom mank tumende, un wau gar, te marap tumen.

Hosea 11:9 Iomraidhean Croise

2. Samuel 20:10

O Amasa das gar yak ap koy čouri an o Yoabeskro servo vast. Kova das les ko čouryeha an o per čourye, yaake kay leskre bouke ap i phoub peran. Oun das les gar i douyto kopo čourye. Oun yob meras. Oun o Yoab oun leskro phraal Abishay lan o Shebaes palla.

Debleskri gili 46:5

Lačo djoudjo pani nashella an o Debleskro foro, kay o Devel pral halauter djivell oun leskro kheer hi, Ko pani krell ko fores barhtelo.

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Debleskri gili 85:4

Tou rikral tiri rholi pale, oun rhačral bouder gar i rholyatar.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 31:1

Djungeles djal kolenge, kay djan tele pash i Egiptaryen, te mangenn le lendar, te venn yon lenge ap i rig; oun patsenn, kay kolengre graya oun boud kourepaskre vourdya oun kol zorele klissepangre len vin lenn dran i čilače vasta. Oun ap o Israeleskro Debleste, kay kokres o Devel hi, dikenn le gar. Ava, pal o baro Debleste poučenn le gar!

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Jesaja 48:9

Miri bari rholi rikrau pale, te vell gar djoungeles rakedo pral miro lab. Oun lau man phares khetne, te vell miro lab gar tiknes kerdo, oun te moukap t'men gar moulo te dell.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jeremia 26:3

Te peneh lenge halauter, nay vell, te denn le yak ap kova, oun djan tele hakeno peskro čilačo dromestar. Palle rikrau man tele, te anap koy bibarht pral lende, hoy kamom ap lende te anell ko čilačepaske, hoy yon kran.

Jeremia 30:11

Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.

Hosea 12:1

O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Hosea 14:4

Mer poučah bouder gar kolendar dran o them Assour, te venn le menge ap i rig, oun djinah, mari zoor vell gar mare grayendar oun vourdya. Oun ap kova, hoy mer mare vastentsa kram, penah bouder gar: “T'mer han mare debla.” Tou kreh tiro dji pre kolenge, kolen kek dad bouder hi.

Maleachi 3:6

Me, o baro Devel, ačau har hom. Oun t'mer, o Yakobeskre čave, ačan ninna har hans:

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

1. Samuel 26:8

Oun o Abishay penas ap o David: “Kava dives das o Devel tout koles an tiro vast, kay kamell tout te marell. Yaake mouk man leskro vitsepaskro čouri te lell, oun les an i phoub te dell. Yek dap hi doha. I douyto kopo hounte dap me gar bouder čourye.”