Hosea 11:4 - O Debleskro Lab 2024 (Sinte-Manouche)

⁴ Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.

O Debleskro Drom 2021 (Sinte)

⁴ Latchepah tserdom len, un kamlepah sikrom lenge lengro drom, un hidjrom khetne lentsa ko pharepen ap lengre phika, un me djom ap mire tchanga, te dap len te chal.

Hosea 11:4 Iomraidhean Croise

2. Samuel 7:14

Me kamau leskro dad te vell. Oun yob vell miro čavo. Oun yob te krell i čilačo koova, dau me les i phagi, yaake har menshe i phagi denna.

Debleskri gili 105:40

Yon mangan lestar mass, oun yob moukas pesse čirkle te vell. O mareha dran o bolepen kras lo len čalo.

2. Mose 16:32

Oun o Mose penas: “Kava hi, hoy o baro Devel menge penas, te kras mer: Yek khoro pherdo vell pre hadedo mare menshenge, kay pal mende venna. Yaake nay dikenn le o maro, hoy das lo men te rhal an o moulo tato them, har anas lo men dran o them Egiptia.”

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Hosea 2:8

Doleske čivau soubyengre bourra ap lakro drom oun krau i massouri, te nay hatsell li peskro drom gar.

3. Mose 26:13

Me, o baro Devel, hom t'maro Devel, oun anom t'men dran o them Egiptia vin, te ačenn gar bouder lengre pandle boudepangre. Kote hans har groumya, kay hounte boudrenn i kashteha troul lengri meen. Ko kashtes phagom me, te nay djan pale pre hadede sherya.

Johanni 12:32

Te hom pral i phoub hadedo, tserdau lauteren pash mande.”

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

5. Mose 32:12

Yaake kras kova lentsa o baro Devel, yob kokres, kek vavar devel his leske ap i rig.

5. Mose 32:14

Len his khil i groumyendar oun i thoud i bakrendar, ninna o mass i tikne bakrendar, oun pesse bakre oun bouzya; I Israelitarya rhan o lačeder djob, oun piyan goudli loli mool.