Hosea 11:2 - O Debleskro Lab 2024 (Sinte-Manouche)

² Oun te kharau len kanna, nashenn le mandar krik, oun rhačrenn firhen i moule deblenge, oun soungepaskro koova glan i figure.

O Debleskro Drom 2021 (Sinte)

² Un te kharau len kanna, nashenn le mandar krik, un chatchrenn viechen i mule deblenge, un sungepaskro koowa glan i figure.

Hosea 11:2 Iomraidhean Croise

1. Rajengro liil 12:33

Ap o 15. (deesh-te-pančto) dives an o orhtato čon – ko čon, hoy yob peske kokres vin rodas, – djas o Yerobeam pash koy rhačepaskri, hoy yob kras an Betel, oun rhačras soungepaskro koova koy pre, te krell lo kote i festo i Israelenge.

1. Rajengro liil 18:19

Kanna mouk i tsele Israelitaryen te penell, te venn le khetne pash mande ap i berga Karmel, ninna kol 450 (star-sheel-te-paash-sheel) rashaya o deblestar Baal oun kol star-sheel rashaya, kay i debletsa Ashera sharenn, kolen i Isebel rhapen oun pipen dell.”

Nehemia 9:30

Oun tout his yaake boud lačepen lenge kol tsele bersha. Oun dal len trad kol labentsa, hoy tire rakepangre lenge penan, kay an lende tiro dourho hi. Yon shounan gar koy pre. Kote dal len tou an o vast kol menshendar dran vavar themma.

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Jeremia 18:15

har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.

Jeremia 35:13

Kava penell o baro Devel, ko ray pral o bolepen oun i phoub, kay o Israeleskro Devel hi: Dja oun rake i menshentsa dran o them Youda oun dran o foro Yerusalem: Har rah kamenn t'mer gar ap mire laba te shounell, poučell o baro Devel t'mendar.

Jeremia 44:5

Yon shounan gar, oun dan gar yak ap mire laba, oun moukan gar pengro čilačepen, oun moukan gar tele te rhačrenn le soungepaskro koova kol vavar deblenge.

Hosea 11:7

Mire menshe ačenna krik mandar, oun kamenn gar pash mande te vell. Ninna te venn le pash mande, o pralstuneste, hadenn le man gar.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 4:13

Pral ap i berge marenn le firhen pengre rhorhene deblenge, oun ap i tikne berge rhačrenn le lenge soungepaskro koova, tel i bare oun bourhle rouka, kay gar yaake tato hi oun shoukar te beshell. Doleske venn lengre ča loubya, oun lengre čavengre romya rhorhenn pengre romen.

Hosea 4:17

I menshe an o them Efrayim moukan pen rhorhene deblentsa dren. Mou te krenn le har kamenn le!

Zakarie 1:4

Ma avenn har t'mare phoure! Glan boud bersha penan lenge mire rakepangre mire laba oun penan: Kava penell o baro Devel, ko ray pral o bolepen oun i phoub: Moukenn t'mare čilače dromma! Ma krenn bouder gar čilačo koova! Yon shounan gar ap mande oun kran gar, hoy lenge penom.

Zakarie 7:11

Mire menshe kaman gar yak te dell ap mire laba, oun rissran mange pengro doumo, oun pandan pengre kanda, te shounenn le gar, hoy me lenge penom.

Louka 13:34

“T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre ternende garda della, oun lell len tel peskre phora. Oun t'mer kaman gar.

Johanni 3:19

O Debleskri bari momeli vas ap kay phoub. Oun kol menshe, kay krenn o čilačepen, kaman o tamlepen boudeder har koy momeli. Doleske hi i phagi pral lende vi-rakedo.

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Čačepangre 2:13

Oun yon moukan o baro Debles oun mangan o debles Baal an oun ninna i debletsa Astarte.

Čačepangre 3:7

Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.