Hosea 11:11 - O Debleskro Lab 2024 (Sinte-Manouche)

¹¹ Ninna dran o them Egiptia venn le trisslepah har čirkle, oun dran o them Assour har taube. Oun me moukau len pale an lengre khera te djivell. Kova penell o baro Devel.

O Debleskro Drom 2021 (Sinte)

¹¹ Ninna dran o them Egiptia wenn le trisslepah har tchirkle, un dran o them Assur har taube. Un me mukau len pale an lengre khera te djiwell. Kowa penell o baro Dewel.

Hosea 11:11 Iomraidhean Croise

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 60:8

Koon hi kol shiffe, kay venn sik har i volke, oun har i parne čirkle, hoy venn khere an pengro kheer?

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Ezekiel 34:27

te hidjrenn i rouka lače roukengre, oun te vell boud djob bares ap i harhetikri phoub. Oun mire menshe djivenn an pengro them kek daryah. Me phagau kol shelle, kolentsa yon pandlo his. Oun lau len vin dran i vasta kolendar, kolenge yon hounte boudran. Palle dikenn oun hayvenn le, te hom me o baro Devel.

Ezekiel 34:28

Oun i menshe dran vavar themma randenn len bouder gar vin. Oun i divye firhe rhan len bouder gar. Yon nay djivenn kek daryah. Oun kek krell lenge bouder traash.

Ezekiel 37:21

Oun pen ap lende: Kava penell o baro Devel, maro ray: Denn yak, me lau i Israelitaryen dran kol tsele themma vin, an kolende yon hounte djan, oun lau len khetne haki rigyatar, oun anau len pale an lengro them.

Ezekiel 37:25

Oun yon djivenn pale an ko them, hoy dom me miro boudepaskres o Yakobeste, an koleste t'mare phoure djivan Hako tsireske djivenn le kote, yon oun lengre čave oun kolengre čave. Oun yek dran i familya o Davidestar, kay hi har o David miro boudepaskro, vell lengro ray hako tsireske.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Obadja 1:17

Ap i berga Sion djivenn kolla, kay vin lino van dran o merepen. Oun i berga hi pale o baro Debleske kokres. O Yakobeskre čave lenn o them pale penge, hoy lenge randedo vas.

Zakarie 10:10

Dran i themma Egiptia oun Assour anau len khere, te djivenn le an o them Gilead oun Libanon. Ninna kote hi gar doha them lenge.

Zakarie 8:7

Kova penell o baro Devel, ko ray pral o bolepen oun i phoub: “Ava, me lau mire menshen vin dran o them, kay o kham pre djala, ninna dran o them, kay o kham tele djal.

Zakarie 8:8

Me anau len khere oun moukau len an o foro Yerusalem te djivell. Yon te venn mire menshe. Oun me vau lengro Devel: Me moukau len gar, oun yon djivenn mantsa an o čačepen.”