Hosea 11:10 - O Debleskro Lab 2024 (Sinte-Manouche)

¹⁰ Palle djan le o baro Debleske palla, oun yob dell gole har i levo, ava, yob dell gole har i levo, oun leskre čave venn trisslepah pash leste foun kotar, kay o kham tele djal.

O Debleskro Drom 2021 (Sinte)

¹⁰ Palle djan le o baro Debleske palla, un job dell gole har i lewo, awa, job dell gole har i lewo, un leskre tchawe wenn trisslepah pash leste fun kotar, kai o kham tele djal.

Hosea 11:10 Iomraidhean Croise

Hiob 37:1

Koy pral trissell miro dji, oun dell sik oun divyo.

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 2:11

Boudrenn o baro Debleske oun darenn lestar, perenn glan leste tele oun čoumrenn leskre pire!

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.

Jesaja 42:13

O baro Devel djal vin an o kourepen har i zorelo morsh; oun kourell pes har i kourepaskro, koleskro dji pherdo hi, te djal lo an o marepen. Zoreles dell lo o kourepaskri gole, oun kek daryah djal lo vin ap kolende, kay kourenn pen leha.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Jesaja 64:2

te kreh tou pale baro zorelo koova, hoy kek vavar nay krell, vitar gar glan-vi dikell. Ab tele, te trissenn i berge glan toute!

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 25:30

Tou Yeremia, hounte peness lenge kal tsele laba, hoy penom. Pen lenge ninna: O baro Devel dell gole dran o bolepen, oun moukell peskri zoreli gole te shounell dran peskro bolepaskro kheer. Yob dell bares gole har i levo, oun vell shounlo an peskro tselo them; Yob dell gole har ko morsh, kay stakrell ap peskre drake, te vell i mool vin. Leskri gole vell shounlo ap i tseli phoub.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Jeremia 50:4

An kol divessa oun ap ko emligo tsiro, penell o baro Devel, venn kol menshe dran o them Israel, khetne kol menshentsa dran o them Youda oun djan trouyel o ropah, oun rodenn man, pengro Debles.

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

Jeremia 7:9

T'mer han čorepangre oun marepangre, kay denn vavaren moulo, t'mer morsha rhorhenn t'mare romyen vavar djouvyentsa, t'mer djouvya, rhorhenn t'mare romen, vavar morshentsa, t'mer denn t'men sovel oun rikrenn koya gar dren, t'mer rhačrenn firhen o rhorheno debleske Baal oun nashenn pal vavar deblende.

Ezekiel 26:16

Oun i raya an kol themma pash o baro pani stenn pengre rayle beshepangre pre, oun djan lendar tele, oun rivenn pengre kouč baya oun shoukar gada vin, oun rivenn paash koola an. Oun beshenn ap i phoub oun moukenn gar tele te trissell.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Amos 1:2

O Amos penas: O baro Devel dell bari gole i berga Sion pral tele. Leskri gole hi har i gole, hoy i levo della, oun vell shounlo dran Yerusalem. O bakrengro them vell trouk, oun o khass ap i berga Karmel vell djelto.

Amos 3:4

Dell i levo gole an o veesh, te hatsas lo kek rhapen? Na-a! Dell i terno levo gole an leskro khatepen, te tapras lo či? Na-a!

Amos 3:8

O levo dell gole – kones hi kek daar? O baro Devel, maro ray, rakrell, koon nay rikrell man pale, te penap leskre laba doureder?

Micha 4:5

Ninna te mangell haki natsyona peskro debles an, mer djivah kokres maro Debleha – kova hi o baro Devel – kanna oun hako tsiro.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Zakarie 10:10

Dran i themma Egiptia oun Assour anau len khere, te djivenn le an o them Gilead oun Libanon. Ninna kote hi gar doha them lenge.

Zakarie 10:12

Me, o baro Devel, krau mire menshen zoreles. Oun yon mangenn man an oun shounenn ap mande. Kova penell o baro Devel.

Zakarie 8:7

Kova penell o baro Devel, ko ray pral o bolepen oun i phoub: “Ava, me lau mire menshen vin dran o them, kay o kham pre djala, ninna dran o them, kay o kham tele djal.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Remarja 8:1

Yaake djal kek nashedo, kay djivell o Yezous Kristeha khetne.

2. Petro 2:10

Palle vell i phagi zoreles pral kolende, kay djivan i foullo djipen, oun kaman kek rayes pral pende. Kolla rhorhene sikepangre hi pre-phourdo, oun krenn pen bares. Yon darenn gar, te rakrenn le djoungeles pral kolende, kay hi an o bolepen.

Debleskro tsiro 10:3

Oun yob das zoreles gole, har i bari divyi margodja zoreles gole della. Oun har yob gole das, shounom efta zorele golya dran o bolepen.