Hosea 10:8 - O Debleskro Lab 2024 (Sinte-Manouche)

⁸ Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

O Debleskro Drom 2021 (Sinte)

⁸ Khetne dine wenn i mulne platse, kai i Israelitarja i chochene deblen an-mangan, un o baro Deblestar tele peran. Subjengro senlepen un subjengre burra wenn bares ap lengre altare. Un jon penenna: Tumer bare un tikne berge, perenn pral mende, un tchakrenn men!

Hosea 10:8 Iomraidhean Croise

1. Mose 3:8

I rati, har bouder gar tato his, shounan yon, kay djas o baro Devel, maro ray, trouyel an i baar. O rom oun peskri romni khatran pen o Deblestar, maro rayestar, mashkral kol rouka an i baar.

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

1. Rajengro liil 13:34

Kay doosh, hoy anas o Yerobeam ap peste, kras, te meras leskri familya vin, oun vas bouder gar hatslo ap i tseli phoub.

1. Rajengro liil 14:16

Dran o čilačepen, hoy o Yerobeam kras, moukell o baro Devel i Israelitaryen. O Yerobeam djas o baro Debleskro dromestar tele, oun kras, te djan i Israelitarya ninna o baro Debleskro dromestar tele.”

2. Rajengro liil 23:15

Ninna koy moulni platsa an Betel kras lo paash, hoy o Yerobeam, ko Nebateskro čavo kras, te anell lo o Israel o baro Debleskro dromestar tele. Koy rhačepaskri phagas lo tele, das lakre barra paash oun kras len yaake tiknes, te van le phoubyakri čik. Oun i figura, hoy sikras i debletsa Ashera, rhačras lo pre.

2. Familjakro liil 31:1

Oun har kova halauter kerdo his, djan kol tsele Israelitarya, kay kote khetne his, an i forya an o them Youda. Oun yon phagan kol bare barra an kotya, hoy i moule deblenge pre-čiddo his, oun dan koy kashteni debletsa Ashera trouyel, oun kran kol moulne platse oun kol rhačepangre paash, kay i moule debla an-mangedo van, bis te či lendar pral ačas. Kova kran le an o tselo them Youda, Benyamin, Efrayim oun Manasse. Palle djan i tsele Israelitarya pale khere an lengre forya, kay lengre khera oun lengri phoub his.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 2:21

Oun yon khatrenn pen mank i bare barra oun an i barrengre grotte i daryatar o baro Deblestar oun leskro raylo barepen, te stell lo pre, te anell lo i traash pral i phoub.

Jesaja 32:13

Ap i harhetikri phoub mire menshendar venn soubyengre bourra oun soubyengro zenlepen baro. Rovenn ninna troul i khera, kay pherdo sapen his an ko barhtelo foro.

Jesaja 34:13

Oun an i rayengre khera djan i soubyengre bourra pre, oun ap i barrengre massourya vell soubyengro zenlepen baro. I divye djoukle djivenn kote, oun bare divye čirkle hi kote khere.

Hosea 10:2

Lengre djia hi pherdo rhorhepen. Kanna vell lengri doosh pral lende. Lengre altare venn khetne phagedo, oun kol pre-čidde bare barra venn tele dino.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

Hosea 2:6

Lakre čave hi i loubyengre čave. Lenge krau miro dji gar pre.

Hosea 4:13

Pral ap i berge marenn le firhen pengre rhorhene deblenge, oun ap i tikne berge rhačrenn le lenge soungepaskro koova, tel i bare oun bourhle rouka, kay gar yaake tato hi oun shoukar te beshell. Doleske venn lengre ča loubya, oun lengre čavengre romya rhorhenn pengre romen.

Hosea 4:15

Israel, ninna te kameh tou tout trouyel te loubrell, kamau gar, te krenn i menshe an o them Youda sau koova har tou, oun anenn doosh ap pende. Ma djan an i forya Gilgal oun Bet-Aven, te mangenn kote i rhorhene deblen an! Oun ma denn t'men kote sovel oun penenn “Me dau man sovel pash o djido Debleste.”

Hosea 5:8

Phourdenn an i phourdepaskri an i forya Gibea oun Rama! Denn i kourepaskri gole an o foro Bet-Aven! T'mer kourepangre dran o kheer Benyamin, nashenn glan, mer nashah t'menge palla!

Hosea 8:5

T'mer an o foro Samaria, ko sonakaskro terno gouroum, koles t'mer an-mangenn, hi mange pale-čiddo. Miri rholi pral t'mende hi zorelo. Har rah ačell kova yaake, te rikrenn ap ko pale-čiddo koova?

Hosea 9:6

Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.

Amos 1:5

Me phagau i bare voudya o forestar Damaskus paash, oun moukau i rayen dran Bikat-Aven oun Bet-Eden moulo te dell. Oun i menshe dran o them Syria venn pandles krik anlo an o them Kir. Ko penell o baro Devel.

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Amos 7:9

I moulne platse, kay mangan o Isaakeskre menshe rhorhene deblen an, kal platse venna paash dino. Oun kol khera, kay sharan i Israelitarya o Debles, venn dino an kotya. Oun me vau miro rhareha pral o kheer Yerobeam.”

Amos 8:14

Oun kolla, kay denn pen sovel pash o rhorheno devel an Samaria, oun penenn: pash ko devel, koles o kheer Dan an-mangell, oun pash o devel o forestar Beersheba, kal menshe perenn oun stenn bouder gar pre.

Micha 1:13

T'mer an o foro Lakish, lenn t'menge graya oun čivenn len glan i vourdya, oun nashenn t'menge! T'mer anan i menshen dran o foro Sion ap o čilačo drom! An t'maro foro vell savo čilačepen kerdo har an o them Israel.

Micha 1:5

Kova halauter vell dran o čilačepen, hoy o Yakobeskre čave kran. O kheer Israel djas peskro Debleskro dromestar tele. Koon anas i Israelitarya yaake dour, te moukan le pengro Debleskro drom? Kova his o foro Samaria! Koon anas o kheer Youda yaake dour, te mangan le vavar deblen an? Kova his o foro Yerusalem!

Nahum 3:11

Ninna tou, Ninive, veh mato i doukatar oun dinelo an o shero. Ninna tou rodeh, kay tout nay khatress kolendar, kay kamenn tout te marell.

Louka 23:30

Ap ko tsiro penenn le ap i berge: Perenn pral mende!

5. Mose 9:21

Oun ko terno gouroum, hoy kran t'menge oun yaake o Deblestar tele peran, kay figura lom me oun vitsrom lat an i yag, dom lat paash oun dom lat an save tikne kotya, te ačas či har stauba pral. Oun koy stauba vitsrom an ko pani, hoy kote i berga tele nashell.

Debleskro tsiro 6:16

oun penan ap kol berge oun ap kol bare barra: “Perenn ap mende, oun khatrenn men kolestar, kay ap o rayeskro beshepaskro beshdo hi, oun koy bari rholyatar, hoy ko terno bakres hi!

Debleskro tsiro 9:6

Oun an ko tsiro kamenn i menshe te merell, oun nashte merenn gar. Lengro dji nashell pal o merepen, oun o merepen nashell lendar.