Hosea 10:15 - O Debleskro Lab 2024 (Sinte-Manouche)

¹⁵ Yaake djal t'menge an o foro Betel ninna. Kova vell dran t'maro baro čilačepen! Te djal o kham pre ap ko dives, hi trouyel o baro rayeske dran Israel.

O Debleskro Drom 2021 (Sinte)

¹⁵ Jaake djal tumenge an o foro Betel ninna. Kowa well dran tumaro baro tchilatchepen! Te djal o kham pre ap ko diwes, hi trujel o baro rajeske dran Israel.

Hosea 10:15 Iomraidhean Croise

Jesaja 16:14

Kanna penell yob: An triin bersha – kek dives sikeder oun kek dives palla – vell o Moabeskro bravlepen oun sharepen krik lino. Kol boud menshendar ačenn gar boudeder djido har i vast pherdo. Oun kolla hi gar zorelo.

Hosea 10:14

Doleske vell i kourepaskri gole shounlo an t'maro them. Oun t'mare tsele zorele forya venn khetne dine. T'menge djal yaake har o foreske Bet-Arbeel, hoy das o ray Shalman paash an o kourepen, har van i daya moulo dine khetne pengre čaventsa.

Hosea 10:3

Palle hounte penenn le: “Mer shounam gar ap o baro Debleste, doleske hi men kanna bouder kek baro ray. Ninna te vals men yek baro ray, nay krals lo bouder či menge!”

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 10:7

O ray pral o foro Samaria hi bouder gar koy, har i patri ap o pani vas lo krik hidjedo.

Hosea 11:1

Har o Israel terno his, kamom les o djiyestar, oun dran o them Egiptia kharom les, miro čaves.

Remarja 7:13

Kanna poučau t'mendar: Anell man kova, hoy lačo hi, an o merepen? Na-a. Kova hi gar yaake. O čilačepen, hoy krom, kova anell man an o merepen. Kol laba, hoy penenn menge, hoy o Devel mendar kamella, kol laba sikran man, hoy čilačo hi, te dikap me, har djoungelo o čilačepen hi.