Hosea 10:14 - O Debleskro Lab 2024 (Sinte-Manouche)

¹⁴ Doleske vell i kourepaskri gole shounlo an t'maro them. Oun t'mare tsele zorele forya venn khetne dine. T'menge djal yaake har o foreske Bet-Arbeel, hoy das o ray Shalman paash an o kourepen, har van i daya moulo dine khetne pengre čaventsa.

O Debleskro Drom 2021 (Sinte)

¹⁴ Doleske well i kurepaskri gole shunlo an tumaro them. Un tumare tsele sorele forja wenn khetne dine. Tumenge djal jaake har o foreske Bet-Arbeel, hoi das o rai Shalman paash an o kurepen, har wan i daja mulo dine khetne pengre tchawentsa.

Hosea 10:14 Iomraidhean Croise

1. Mose 32:11

Me, tiro boudepaskro, hom gar moldo, kay hal yaake lačo oun kamlo ap mande. Har djom pral o pani Yordan, his man či har i kasht an o vast. Kanna hi man i bari familya oun kal boud firhe, kay hi ap douy bare platse.

2. Rajengro liil 17:16

Oun yon moukan kol tsele laba o baro Deblestar, kay lengro Devel hi, oun kran penge douy terne gourma oun i figura, hoy i debletsa Ashera sikras, oun mangan i tsele bolepangre momlia an oun ninna o debles Baal.

2. Rajengro liil 17:3

Oun o baro ray pral o them Assour, o Salmanassar, vas peskre lourdentsa pral leste. Oun i Israelitarya van dino. Oun o Hoshea hounte das leske hako bersh roup oun sonakay.

2. Rajengro liil 18:33

Nay lan i debla vavar themendar pengre menshen vin dran o vast o baro rayestar pral o them Assour?

Jesaja 17:3

Troul i forya an Israel hi bouder kek massourya. Oun o foro Damaskus hi kek rayeskro foro bouder. Kol Syrarya, kay ačenn djido, lenge djal yaake har i Israelenge. Lengro raylepen ačell gar. Kova penell o baro Devel, ko ray pral o bolepen oun i phoub.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jeremia 13:14

Yaake har kol khore phagenn, te venn le khetne dino, yaake krau, te phagell yek ap o vavareste, ninna i dada ap lengre čavende. Yon khaytenn man gar, oun i dji hi man vitar gar lenge, oun rikrau man gar pale, te marap len lauter. Kova penell o baro Devel.

Jeremia 48:41

Kal forya oun zorele khera venn dren lino. Ap ko dives hi i djia o čače morshendar an o them Moab yaake dareno, har o dji i djouvyatar, kay anell i ternepen ap kay phoub.

Hosea 10:15

Yaake djal t'menge an o foro Betel ninna. Kova vell dran t'maro baro čilačepen! Te djal o kham pre ap ko dives, hi trouyel o baro rayeske dran Israel.

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Amos 3:8

O levo dell gole – kones hi kek daar? O baro Devel, maro ray, rakrell, koon nay rikrell man pale, te penap leskre laba doureder?

Amos 9:5

O baro Devel, ko ray pral o bolepen oun i phoub hi kova, kay taprell i phoub, te trissell li, oun hadell pes oun djal pale tele har o lengsto pani Nil an Egiptia. Oun i menshe rovenn pral kolende, kay meran.

Micha 5:11

Oun o tselo bengeskro koova lau t'mendar krik, kek dravepangre ačenn pash t'mende.

Nahum 3:10

Ninna kava foro vas dren lino, oun leskre menshe pandles anlo an i vavar them. Lengre čave van moulo dino ap hako drom. Pral lengre pralstunende vitsran le kashta, koon kones lella. I tsele pralstunen pandan le sasterne shellentsa.

Nahum 3:12

Tire zorele barrengre khera hi har fayge ap i rouk. Vell ko rouk trisslemen, perenn kol fayge koleske an o mouy, kay les trisslell. Yaake sik perell ninna tiro foro an i vasta kolendar, kay kourenn pen leha.

Habakuk 1:10

Yon sanenn pral i bare rayende oun pralstunende an vavar themma. Kol tsele forya, kay zorele massurya troul lende tardo hi, hi lenge har čičeske; yon čivenn čik pre glan i massurya, oun djan pral vergel, oun lenn kol forya dren.