Hosea 10:13 - O Debleskro Lab 2024 (Sinte-Manouche)

¹³ T'mer kran o čilačepen, oun t'maro djipen anas čilačo koova vin. Oun t'mer rhan, hoy dran t'maro rhorhepen vin vas. T'mer djan pal t'maro shero, oun dikenn ap t'mare bare oun zorele kourepangre, te venn le t'menge ap i rig.

O Debleskro Drom 2021 (Sinte)

¹³ Tumer kran o tchilatchepen, un tumaro djipen anas tchilatcho koowa win. Un tumer chan, hoi dran tumaro chochepen win was. Tumer djan pal tumaro shero, un dikenn ap tumare bare un sorele kurepangre, te wenn le tumenge ap i rig.

Hosea 10:13 Iomraidhean Croise

Hiob 4:8

Yaake har me les dikom, vell čilačepen pral kolende, kay čilačepen kran, oun bibarht pral kolende, kay bibarht ap vavarende anan.

Debleskri gili 33:16

I baro ray boud lourdentsa vell gar dran peskri zoor o zorleder an o kourepen. Oun i čačo morsh, koles boud zoor hi, vell gar dran peskri zoor vin lino dran o kourepen.

Debleskri gili 52:7

Doleske phagell tout ninna o Devel hako tsireske. Yob stakrell tout khetne, vitsrell tout vin dran tiro kheer, lell tout krik kay phoubyatar, kay djivah.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

Gosewe laba 1:31

Doleske hounte rhan le, hoy ap lengre dromma bares vas. oun venn čalo kolestar, hoy an lengre sherya trouyel djas.

Gosewe laba 12:19

O čačo rakepen ačell hako tsireske. Rhorhene laba rikrenn gar rah.

Gosewe laba 13:2

I lačo mensho djivell ko lačepastar, hoy dran leskre laba vella. I phoukepangre bokenna pal o kourepen.

Gosewe laba 19:5

Kova, kay rhorhras, har penas lo, hoy lo dikas oun shounas, kova lell peskri phagi. Oun kova kay rhorhepen pre anas, kova vell tapedo oun nay nashell gar peske.

Gosewe laba 22:8

Kova, kay rhorhepen vin vitsrell har djob, kova anell bibarht dren. Palle nay djal lo bouder gar i vavarentsa yaake trouyel har yob kamell.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Jesaja 17:11

hoy sik pre djan oun zenelo van, venn ap lende kek neve drake bares. Oun tou nay aneh či dren. Kova, hoy touke vell, hi nasslepen oun douka, hoy kek nay krik lell.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Hosea 4:8

T'mer rashaya rhan ko mass, hoy denn i menshe o Debleste pengri doshake. Doleske han t'mer barhtelo pral i menshengri doosh.

Hosea 7:3

Pengro čilačepah krenn le o baro rayes barhtelo, oun pengro rhorhepah i pralstunen.

Hosea 8:7

Kova, hoy le krenn, hi har te čivans le i dourho an i phoub oun kek djob. Oun hoy vin vell, hi i baro phourdepen. Kek djob vell baro. Kova hoy pre djal, anell kek yarro. Oun te anals kova yarro, vans vavar menshe oun rhans les pre.

1. Samuel 24:14

Tou prindjreh, har mare phoure penan: Dran i čilačende vell o čilačepen. Me taprau tout gar an.