Hosea 10:10 - O Debleskro Lab 2024 (Sinte-Manouche)

¹⁰ Man hi an miro dji, te dap len kote dava. Me anau lourden dran vavar themma khetne, te lenn le len pandlo, kol douy doshenge, hoy le ap pende anan.

O Debleskro Drom 2021 (Sinte)

¹⁰ Man hi an miro dji, te dap len kote dawa. Me anau lurden dran wawar themma khetne, te lenn le len pandlo, kol dui doshenge, hoi le ap pende anan.

Hosea 10:10 Iomraidhean Croise

1. Rajengro liil 12:28

Oun o ray Yerobeam djinas pash peste, hoy nay krell lo, oun moukas douy sonakangre terne groumyen te krell, oun penas ap i menshende: “T'mer Israelitarya, hi doha, kay djan t'mer yaake rah an Yerusalem, te mangenn o Debles an. Kate hi t'mare debla, kolla anan t'men dran o them Egiptia!”

Hiob 39:10

Nay pandeh tou leske i shello trouyel, te boudrell lo touke ap i harhetikri phoub, oun tserdell ko saster, hoy i phoub pre phagell?

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jeremia 15:6

Tou djal mandar krik, penell o baro Devel, oun kamal mandar či bouder djinell. Doleske hadom me miro vast ap toute, te marap tout. Me hom khino, te krap miro dji touke pre.

Jeremia 16:16

Me kamau boud mačepangren vin bičrell. Kolla hounte mačrenn len. Pal kova bičrau boud yegaryen vin, te taprenn yon len, kay yon ninna hi: ap haki bari oun tikni berga, oun mank kol bare barra, kay khatran le pen.

Jeremia 21:4

Kova penell o baro Devel, ko Devel pral Israel: Me tradau t'mare lourden pale pengre rharentsa, hoy an lengre vasta hi, oun kolentsa kourenn le pen o baro rayeha dran o them Babilonia oun leskre lourdentsa, kol Kaldearya, kay hi vin tardo glan t'maro foreskri massouri. Me moukau len mashkral an o foro dren.

Ezekiel 16:37

Doleske dik, me kharau lauteren khetne, kay touha trouyel kran, oun an kolengre yaka yaake shoukar hals, kolen tou kamal, oun kolen gar kamal. Oun dran i tsele themma, hoy troul toute čiddo hi, anau len khetne, te djan le ap toute pre. Palle rivau touke glan lengre yaka tire koola vin, te dikenn le tout, har tou nango hal.

Ezekiel 16:42

Palle djal miri tati rholi pral toute krik, oun miro dji doukrell man bouder gar, oun hom bouder gar rhoyedo pral toute.

Ezekiel 23:46

Kava penell o baro Devel, maro ray: Anenn menshen khetne, kay perenn ap lende, oun krenn len daar oun randenn len vin.

Ezekiel 23:9

Doleske dom lat an i vasta kol morshendar dran o them Assour, kay lakre pirne his, oun kolenge yoy palla nashas.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

Hosea 4:19

I zorelo dourho taprell len oun hidjrell len krik. Oun ladj vell ap lende doleske, kay maran yon firhen kol rhorhene deblenge.

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Hosea 8:10

Ninna te denn le love kol rayende pral i vavar themma, kamau len me khetne te lell, te dap len i phagi. An i tikno tsiro hounte djan le doukentsa tel o pharepen, hoy čivell o baro ray dran o them Assour ap lende.

Mateo 22:7

O baro rayes tapras i bari rholi, oun yob bičras peskre lourden, te marenn le kol marepangren, oun te rhačrenn le lengro foro.

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.