Hosea 1:7 - O Debleskro Lab 2024 (Sinte-Manouche)

⁷ I menshenge dran o kheer Youda krau miro dji pre. Me, o baro Devel, hom lengro Devel, oun vau lenge ap i rig. Kova krau gar o bogeha, o rhareha, oun o kourepaskro koova, vitar gar i grayentsa oun i kourepangre vourdyentsa.

O Debleskro Drom 2021 (Sinte)

⁷ I menshenge dran o kheer Juda krau miro dji pre. Me, o baro Dewel, hom lengro Dewel, un wau lenge ap i rig. Kowa krau gar o bogeha, o chareha, un o kurepaskro koowa, witar gar i grajentsa un i kurepangre wurdjentsa.

Hosea 1:7 Iomraidhean Croise

2. Rajengro liil 19:29

Oun touke, Hiskiya, mou vell kova i sikepen: An kava bersh rhan t'mer, hoy pestar kokres bares vella, ninna an o vavar bersh. Oun an o triinto bersh nay čivenn pale djob an i phoub oun anenn djob dren, oun čivenn drakengre rouka an i phoub oun rhan t'menge i drake, hoy ap lende bares venna.

2. Rajengro liil 19:34

“Me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.”

2. Rajengro liil 19:35

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

2. Rajengro liil 6:18

Oun har kol Syrarya tele pash lende van, penas o Elisa ap o Debleste: “Baro Devel, kre, te venn kal menshe korelo!” Oun o Devel kras len korelo, yaake har o Elisa lestar kova mangas.

Debleskri gili 33:16

I baro ray boud lourdentsa vell gar dran peskri zoor o zorleder an o kourepen. Oun i čačo morsh, koles boud zoor hi, vell gar dran peskri zoor vin lino dran o kourepen.

Debleskri gili 44:7

Me djinau, miro bogo krell man gar zoreles, oun miro rharo nay lell man gar vin dran i čilače vasta.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

2. Mose 14:30

Yaake las o baro Devel i Israelitaryen ap kava dives vin dran o vast i Egiptarendar. Oun i Israelitarya dikan i moule Egiptaryen pash o baro pani čiddo.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Jeremia 25:5

Yob moukas t'menge te penell: “Djan tele, hakeno leskro čilačo dromestar! Moukenn t'maro čilačo koova! Te venn pale ap o čačo drom, nay ačenn an ko them, hoy dom me t'mende oun t'mare phourende, kanna oun hako tsireske.

Jeremia 25:6

Ma nashenn vavar deblenge palla, te perenn tele glan lende, te mangenn len an! Ma rhoyrenn man kolentsa, hoy t'mare vastentsa kran, te anap kek bibarht pral t'mende!”

Jeremia 33:26

yaake čivau me gar mire menshen pale, kay venna pal o David, kova, kay mange koy his, oun pal o Yakobeskre vavar čavende. Dran o Davideskro kheer lau yekes, kay vell o baro ray pral i menshende, kay venna pal o Abraham, o Isaak oun o Yakob. Me krau te vell mire menshenge halauter pale mishto. Oun me krau miro dji lenge pre.

Hosea 1:8

Oun har yoy i Lo-Ruhama bouder kek čoučya das, vas li pale vavarčandes, oun anas i morsh čaves ap kay phoub.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

1. Samuel 17:47

Oun ninna hakeno, kay kate hi, kova dikell oun hayvell, te hounte vell o baro Debles kek rharo oun kek vitsepaskro čouri, te lell lo peskre menshen dran o merepen vin. Yob hi o zorleder oun dell t'men an mare vasta.”