Hosea 1:4 - O Debleskro Lab 2024 (Sinte-Manouche)

⁴ Oun o baro Devel penas ap leste: De les ko lab Yesreel! An i tikno tsiro anau ap o rayeskro kheer koy doosh pale, hoy o baro ray, o Yehou, ap peste anas, har maras lo boud mire menshendar an i tala Yesreel. Oun krau, te hi o themes Israel bouder kek ray.

O Debleskro Drom 2021 (Sinte)

⁴ Un o baro Dewel penas ap leste: De les ko lab Jesreel! An i tikno tsiro anau ap o rajeskro kheer koi doosh pale, hoi o baro rai, o Jehu, ap peste anas, har maras lo bud mire menshendar an i tala Jesreel. Un krau, te hi o themes Israel buder kek rai.

Hosea 1:4 Iomraidhean Croise

2. Rajengro liil 10:1

An o foro Samaria djivan efta-deesh čave o Ahabestar. Oun o Yehou činas lila oun bičras len ap kol pralstunende an ko foro Yesreel: ap kol phourende oun ap kolende, kay tserdan o Ahabeskre čaven pre. An ko liil hi dren tardo:

2. Rajengro liil 10:17

Har yob an Samaria vas, das yob moulo lauteren, kay ačan pral o Ahabeskre menshendar an Samaria. Kek lendar ačas djido. Lauter vas yaake har o baro Devel kova ap o Eliya penas.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

2. Rajengro liil 15:8

Har his o Asarya an o 38. (triyanda-te-orhtato) bersh o baro ray pral o them Youda, vas o Zakarie, koleskro dad o Yerobeam his, baro ray pral o them Israel. Shob čonna his lo baro ray oun djivas an ko tsiro an o foro Samaria.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Jesaja 8:3

Oun me djom pash miri romyate dren. Yoy his i Debleskri rakepaskretsa. Oun yoy vas vavarčandes oun anas i morsh čaves ap i phoub. Oun o baro Devel penas ap mande: “De les o lab Sik-randedo oun sik-čoredo!

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Jeremia 20:3

Oun ap o vavar dives moukas o Pashour o Yeremiyes dran o kasht vin. Koy penas o Yeremia ap leste: O baro Devel dell tout gar bouder Pashour gole. Tou khareh kanna Traash ap hakeneste.

Jeremia 23:2

Doleske penell o baro Devel, ko Devel pral o Israel, ap i pralstunende, kay hounte dans garda ap leskre menshende: T'mer rikran mire menshen gar khetne. Yon hi har bakre, kay van kate te kote tradedo. T'mer dan gar garda ap lende. Kanna dau me garda, te lenn t'mer t'mari phagi ko čilačepaske, hoy kran.

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Ezekiel 23:10

Yon rivan lake lakre ripya vin, oun lan lakre čave oun ča latar. Oun lat dan le o rhareha moulo. Oun har i vavar djouvya dikan, har li peskri phagi las, rakran le pal late.

Ezekiel 23:31

Ap o drom tiri phenyatar djal tou, doleske dau tout ko emligo khoro an tiro vast, har late dom, te piyess les vin har yoy hounte piyas les vin.

Hosea 1:6

Oun i Gomer vas o douyto kopo vavarčandes, oun anas i čay ap i phoub. Kote penas o Devel ap leste: De lat ko lab Lo-Ruhama! Man hi bouder kek dji i menshenge dran o kheer Israel, oun bistrau lengri doosh bouder gar.

Hosea 1:9

Oun o Devel penas: De les ko lab Lo-Ammi! I menshe an Israel hi gar mire menshe, oun me hom gar lengro Devel.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 2:22

Me ačau hako tsiro pash toute. Oun tou prindjreh man, o baro Debles.

Hosea 9:17

I menshe Efrayim shounan gar ap miro Debleste. Doleske vitsrell lo len pestar krik. Yon venn naashepangre an i vavar themma.

Amos 9:8

Me, o baro Devel hom o ray, oun lau ko tselo čilačepen an o yak, hoy i menshe an o them Israel krenn. Doleske thovau les krik i phoubyatar. Vin lino venn gar boud menshe, ninna te vell gar o tselo kheer Israel maredo. Kova penau me, o baro Devel.

Mateo 1:21

Oun yoy lella i čaves. Tou deh les o lab Yezous. Yob lella i doosh peskre menshendar ap peste.

Louka 1:13

Koy penas o bolepaskro ap leste: “Ma traash, Zakari! O Devel shounas tout, har tou mangal lestar, te vell t'men i ternepen. Tiri romni Elisabet lella i morsh čaves. Oun koles dess tou ko lab Yohanni.

Louka 1:31

Shoun, tou veh an vavar koova, oun leh i čaves. Koles dess tou o lab Yezous.

Louka 1:63

Oun yob kamas, te anenn le leske čomone, kay nay činas yob pre. Oun yob činas: “Yob kharell Yohanni.” Koy kran lauter bare yaka.

Johanni 1:42

Oun o Andreas anas peskro phrales pash o Yezouseste. Har o Yezous koles dikas, penas lo: “Tou hal o Simon, ko Yohanneskro čavo. Tou khareh kanna Kefas.” Ko kharella baro bar.

Josua 19:18

An lengro them his kol forya: Yesreel, Kessoulot, Shounem,