Hosea 1:1 - O Debleskro Lab 2024 (Sinte-Manouche)

¹ Kava hi o lab, hoy penas o baro Devel ap o Hosea, koleskro dad o Beeri his, an ko tsiro, har o Usiya, o Yotam, o Ahas oun o Hiskiya kol bare raya pral o them Youda his, oun o Yerobeam, koleskro dad o Yoash his, ko baro ray pral o them Israel his.

O Debleskro Drom 2021 (Sinte)

¹ Kawa hi o lab, hoi penas o baro Dewel ap o Hosea, koleskro dad o Beeri his, an ko tsiro, har o Usija, o Jotam, o Ahas un o Hiskija kol bare raja pral o them Juda his, un o Jerobeam, koleskro dad o Joash his, ko baro rai pral o them Israel his.

Hosea 1:1 Iomraidhean Croise

2. Rajengro liil 13:13

Oun o Yoash meras oun vas paskedo an Samaria pash peskre phourende, kol bare rayende pral o them Israel. Oun o Yerobeam, vas baro ray pal leste.

2. Rajengro liil 14:16

Oun o Yoash meras oun vas paskedo an o foro Samaria pash peskre phourende, kol bare rayende pral o them Israel. Oun leskro čavo, o Yerobeam, vas baro ray pal leste.

2. Rajengro liil 14:23

Har o Amazya, koleskro dad o Yoash his, an o deesh-te-pančto bersh o baro ray pral o them Youda his, vas o Yerobeam baro ray pral o them Israel. Leskro dad kharas ninna Yoash. O Yerobeam his 41 (star-deesh-te-yek) bersha baro ray oun djivas an ko tsiro an o foro Samaria.

2. Rajengro liil 15:32

Har o Peka, koleskro dad o Remalya his, an o douyto bersh ko baro ray his pral o them Israel, vas o Yotam baro ray pral o them Youda. Leskro dad his o Usiya.

2. Rajengro liil 15:5

Oun o baro Devel moukas i djoungelo nasslepen ap leste te vell. Oun yaake rah har yob djivas, his lo nasselo ap peskro mass, oun hounte djivas peske an i kheer. Leskro čavo, o Yotam, his o pralstouno pral o rayeskro kheer, oun his o čačepaskro ray pral i menshende an o them.

2. Rajengro liil 15:7

Oun o Asarya meras oun vas paskedo pash peskre phourende an o Davideskro foro. Oun leskro čavo, o Yotam, vas baro ray pal leste.

2. Familjakro liil 27:1

O Yotam his 25 (biish-te-panč) bersha, har lo baro ray vas. Oun 16 (deesh-te-shob) bersha his lo baro ray an o foro Yerusalem. Leskri day kharas Yerousha, lakro dad his o Zadok.

2. Familjakro liil 28:1

O Ahas his biish bersh, har lo baro ray vas. Oun 16 (deesh-te-shob) bersh his lo baro ray an o foro Yerusalem. Leskro phouro dad, o David kras, hoy glan o baro Debleskre yaka mishto hi. Kova kras o Ahas gar.

2. Familjakro liil 29:33

Koy pashel van 600 groumya oun 3.000 bakre anlo, te venn le maredo o Debleske. Lengro mass rhan i menshe.

Jesaja 1:1

Kova hi, hoy moukas o baro Devel o morshes Yesaya te dikell pral o them Youda oun pral o foro Yerusalem. O Yesaya his o čavo ko morshestar Amoz. Kova his an ko tsiro, kay his o Usiya, o Yotam, o Ahas, oun o Hiskiya i bare raya pral o them Youda.

Jesaja 7:1

Oun i kourepen vas an ko tsiro, har o baro ray pral o them Youda o Ahas his, koleskro dad o Yotam his, oun koleskro dad o Usiya his. O baro ray pral Syria, o Rezin, oun o baro ray pral Israel, o Peka, koleskro dad o Remalya his, van pash o foro Yerusalem, te kourenn le pen o foreha. Yon nay lan les gar dren.

Jeremia 1:2

O baro Devel rakras ap o Yeremia, har o Yosia, koleskro dad o Amon his, an o 13 (deesh-te-triinto) bersh o baro ray pral o them Youda his.

Jeremia 1:4

Oun o baro Devel penas ap mande:

Ezekiel 1:3

Kote an o them Babilonia pash o lengsto pani Kebar rakras o baro Devel ap mande, oun leskri zoor vas pral mande. Me hom o Ezekiel. Miro dad hi o rashay, o Bouzi.

Joel 1:1

Kava hi i lab o baro Deblestar, hoy penas lo ap o Yoel, koleskro dad o Petouel hi.

Amos 1:1

Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

Jona 1:1

O baro Devel rakras o morsheha Yona, koleskro dad o Amitay his, oun penas:

Micha 1:1

Kava hi i lab o baro Deblestar, hoy penas lo ap o Mika dran Moreshet an ko tsiro, kay o Yotam, o Ahas oun Hiskiya i bare raya pral o them Youda his. An ko tsiro sikras les o baro Devel, hoy pral Samaria oun Yerusalem vella.

Zakarie 1:1

An o orhtato čon an o douyto bersh, har o Darius o baro ray his, rakras o baro Devel ap peskro rakepaskro, o Zakarie. Koleskro dad his o Berekia, oun koleskro dad his o Iddo.

Johanni 10:35

Kolentsa, kay o Devel rakras, ap kolende penas yob debla. Oun kova, hoy an o Debleskro lab činlo hi, nay vell gar krik lino.

Remarja 9:25

O Debleskro rakepaskro, o Hosea, penas, hoy o Devel leste sikras: Kolla, kay hi kanna gar mire menshendar, kolen rodau me vin, te venn le mire menshe. Oun kolen, kay kek kamas, kolen kamau me o tselo djiyestar.

2. Petro 1:21

An kek tsiro vas o Debleskro lab i menshendar. Kol Debleskre rakepangre rakran, hoy o Devel lenge penas. Kova čivas lenge o Debleskro Dourho an o dji.