Hiob 9:32 - O Debleskro Lab 2024 (Sinte-Manouche)

³² O Devel hi kek mensho har me hom, te nay penoms leske i lab pale, te nay djams khetne pash yekeste, koon nay krals o čačepen mashkral mende vin.

O Debleskro Drom 2021 (Sinte)

³² O Dewel hi kek mensho har me hom, te nai penoms leske i lab pale, te nai djams khetne pash jekeste, koon nai krals o tchatchepen mashkral mende win.

Hiob 9:32 Iomraidhean Croise

Hiob 33:12

Dik, Hiob, me hounte penap touke, kate hal tou gar an o čačepen. O Devel hi bareder har i mensho.

Hiob 33:7

Tout hounte vell kek daar mandar. Oun miro vast vell gar phares ap toute čiddo.

Hiob 9:14

Har nay hatsoms me laba, te nay penap čomone ap leste?

Hiob 9:19

Te djoms ap leste zoryah, yob hi o zorleder! Te kamoms les glan i čačepangre te anell, penals lo: Kones kameh te bičrell, te anell lo man koy?

Hiob 9:3

Te kamell lo pes leha te čingrell, nay poučals lestar o Devel yek zero koova. Oun o mensho nay penals gar yek pale.

Hiob 9:31

vitsrals lo man an i čikli rheb, te vans mire ripya djoungeles glan mande.

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Sikepaskro 6:10

Halauter, hoy koy hi, las peskro lab. Mer djinah, har i menshe hi. Doleske nay čingrell i mensho gar koleha, kay zorleder hi har yob.

Jesaja 45:9

Djungeles djal koleske, kay rhoyedo hi koleha, kay les kras! Yob hi či har i kotar dran i paash dino čaro mank vavar paash dine kotya. Ko čik, dran koleste čare rhačedo venn, nay penell lo ap koleste, kay lestar čomone krell: Hoy kreh tou? Oun ko čaro, hoy lo kras, penell kova nay ap leste: Tou hayveh či!

Jeremia 49:19

Har i levo vin vell dran i bourra pash o pani Yordan, vau me, oun tradau i Edomaryen sik dran lengro them, oun čivau koles pral o them, kones me vin rodom. Kek hi har me! Kek hounte penell mange, hoy te krap! oun kek ray hi zorleder har me!

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

1. Johanni 3:20

Ninna te penell menge maro dji: “Tou djival gar yaake, har hounte vess,” palle hi o Devel bareder har maro dji, oun djinell lauter.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”