Hiob 9:26 - O Debleskro Lab 2024 (Sinte-Manouche)

²⁶ Miro djipen nashell yaake sik doureder har i sik bero oun har i baro čirklo, hoy moukell pes tele te perell ap i tikno firho, te taprell lo les.

O Debleskro Drom 2021 (Sinte)

²⁶ Miro djipen nashell jaake sik dureder har i sik bero un har i baro tchirklo, hoi mukell pes tele te perell ap i tikno viecho, te taprell lo les.

Hiob 9:26 Iomraidhean Croise

2. Samuel 1:23

O Saul oun o Yonatan, an lengro djipen kamam len oun lengro baro dji. An lengro merepen hi le khetne. Yon his sikeder har i čirklo oun zorleder har i levo.

Gosewe laba 23:5

Te dikeh tire yakentsa pre, hi o bravlepen gar bouder koy, yaake sik hi lo krik har i čirklo, hoy hadell peskre moussya oun hadell pes an o bolepen.

Jesaja 18:2

Kava them bičrell peskre bičepangren pral o baro pani. An tikne shiffe oulerenn le pral i panya. T'mer sik bičepangre, djan pash kol menshende, kay hi baro oun djeteha dren maklo, pash koy natsyona, kolendar i menshe darenna an hake themma, pash kolende, kay bari zoryah i vavarende khetne stakrenn, an kolengro them bare lengste panya nashenna.

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Ropaskre gilja 4:19

Kolla, kay men palla lan, his sikeder har i adlarya tel o bolepen. Ap o pralstouno them lan le men palla, oun an o moulo them louran le menge pre.

Habakuk 1:8

Lengre graya hi sikeder har i bare divye margodje. Oun yon dandrenn sikeder har i divye djoukle an i rati. Lengre boud lourde venna dran i dour them, oun klissenna yaake sik har i adlari tele djal, te taprell lo i firhes.

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.