Hiob 9:2 - O Debleskro Lab 2024 (Sinte-Manouche)

² Čačepah, djinau te hi yaake. Har nay vell i mensho an o čačepen glan o Debleste?

O Debleskro Drom 2021 (Sinte)

² Tchatchepah, djinau te hi jaake. Har nai well i mensho an o tchatchepen glan o Debleste?

Hiob 9:2 Iomraidhean Croise

1. Rajengro liil 8:46

Tou djineh, kay kek mensho djoudjo hi an peskro dji oun an peskro djipen glan toute. Doleske nay vell, kay moukenn tire menshe tiro drom, oun tou rhoyreh tout pral lende oun moukeh len an o vast vavar menshendar te vell, te anenn yon len pandles an pengro them – kova nay vell dour oder gar yaake dour.

Esra 9:15

Baro Devel, tou o Israeleskro Devel, hal an o čačepen tardo oun lal men, kay pral ačam, vin dran o merepen, yaake har kava dives hi. Dik, kate ham glan toute an mari doosh, oun djinah, mer nay ačah gar tardo glan toute!”

Hiob 25:4

Glan o Debleskre yaka hi kek mensho an o čačepen tardo. Kek mensho hi erligo glan leste.

Hiob 25:5

Ninna o čon oun i bolepangre momlia hi gar djoudjo glan leskre yaka.

Hiob 32:2

Kote vas i rholi an o Elihou, koleskro dad o Barakel his i menshendar, kay kharenn Bouzarya, dran i familya Ram. O Elihou vas rhoyedo doleske, te patsas o Hiob, te vals yob boudeder an o čačepen har o Devel.

Hiob 33:9

“Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.

Hiob 34:5

O Hiob penas: “Me hom an o čačepen tardo. Oun miro čačepen las o Devel mandar krik.

Hiob 4:17

Har nay vell i mensho an o čačepen tardo glan peskro Debleste? Har nay djivell i morsh i djoudjo djipen glan o Debleste, kay kras les?

Hiob 9:1

O Hiob penas koy pre:

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Remarja 3:20

Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.