Hiob 9:17 - O Debleskro Lab 2024 (Sinte-Manouche)

¹⁷ Yob bičrell i zorelo phourdepen, te taprell lo pal mande, oun dell man boud doukepen, ninna te krom či.

O Debleskro Drom 2021 (Sinte)

¹⁷ Job bitchrell i sorelo phurdepen, te taprell lo pal mande, un dell man bud dukepen, ninna te krom tchi.

Hiob 9:17 Iomraidhean Croise

Hiob 10:8

Tou kral man tire vastentsa, lauter ap mande hi toutar kerdo; oun kanna rhah tou man pre!

Hiob 16:12

Djivom an o lačepen, har o Devel das man khetne. Yob tapras man ap miri meen, oun vitsras man tele. Yob čivas man yaake pre, te dell lo ap mande karye.

Hiob 16:14

Yek dap pal i vavar dell lo an mande dren. Har i kourepaskro nashell lo ap mande.

Hiob 16:17

Yaake hi kova, ninna te krom kek čilačepen, oun mangom miro Debles i djoudjo djiyeha an.

Hiob 2:13

Oun yon his kote pash leste ap i phoub beshdo efta divessa oun efta ratsya. Oun kek lendar rakras leha. Yon dikan, leskre douka his baro oun pharo.

Hiob 2:3

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar. Ninna kanna anell lo kek doosh ap peste, kay tou mandar kamal, te anap les an i bibarht, ninna te kras lo či.”

Hiob 2:7

Kote djas o beng vin o baro Deblestar, oun das o Hiobes i djoungelo nasslepen ap peskro mass, hoy rhandjras oun doukas leske foun o shero bis tele pash i pire.

Hiob 27:2

O Devel kras, te lap gar miro čačepen. O zorelo Devel kras miro djipen shoutlo. Me dau man sovel pash o djido Debleste:

Hiob 30:22

Tou moukeh i dourho te vell, hoy hadell man pre oun phourdell man krik, oun vitsrell man pre oun tele an i baro phourdepen.

Hiob 33:10

O Devel anell čomone ap mande pre, hoy me gar krom. Yob rikrell man har savo morsheske, kay kamell leske čilačepen te krell.

Hiob 34:6

Hounte rakrap rhorhepen oun penap: Me lom doosh ap mande? Mange vas i baro doukepen dino, ninna te hi kek doosh ap mande.”

Hiob 9:16

Ninna te moukals lo man leha te rakrell, patsau me gar, te shounals lo ap miro rakepen.

Debleskri gili 25:3

Kek, kay pes ap toute rikrell, hounte ladjell pes. Kolla, kay phoukrenn ap toute čičeske, hounte ladjenn pen.

Debleskri gili 29:5

O baro Debleskro rakepen phagella zorele rouka, ninna kol cedertikre rouka ap i berga Libanon.

Debleskri gili 42:7

Kanna, mo Devel, rovell miro dji. Doleske dikau ap toute kote, kay hom: an o them pash o pani Yordan, pash i berge Hermon oun Misar.

Debleskri gili 83:15

Ab lenge har i yag, hoy o veesh tele rhačrell, oun pes an i berge doureder rhal!

Jesaja 28:17

An miro kheer djivell o čačepen, oun mire menshende dau čačepaskre laba. Zorelo brishin, kay brishineskre barra dren hi, dell palle o rhorhepen paash, ap koleste t'men rikrenn. Oun panya hidjrenn t'maro khatepen krik.

Jeremia 23:19

Shounenn: O baro Debleskri rholi vell yaake pral t'mende, har i baro dourho pral i phoub phourdell. I zorelo phourdepen djal tele ap i sherya i čilačendar.

Ezekiel 13:13

Kava penell o baro Devel, maro ray: An miri tati rholi moukau me i zorelo dourho vin te phagell, oun i zorelo brishin te vell, oun brishineskre barra te perell, te vell i massouri paash dino.

Mateo 12:20

Yob hi lačo ap koleste, kay hi les bouder gar boud zoor. Yob phagell les gar har i kasht, kay hi an-phagedo. Ninna i momeli, hoy gomme i tikno kotar rhačella, krell lo gar vin. Yaake hi lo, bis te hi peskro čačepen pral halauter tardo.

Mateo 7:27

Har das zorelo brishin, oun boud pani vas, oun i zorelo dourho phourdas ap ko kheer, koy peras ko tselo kheer khetne.”

Johanni 15:25

Yaake vas kova čačo, hoy an o Debleskro lab činlo hi: Yon hi čilačo ap mande, ninna te krom kek čilačepen ap lende.

Johanni 9:3

“Kek lendar anas i doosh ap peste,” penas o Yezous. “Yob gar, leskro dad oun leskri day vitar gar. Yob hi korelo, te vell o Debleskri bari zoor ap leste diklo.