Hiob 9:15 - O Debleskro Lab 2024 (Sinte-Manouche)

¹⁵ Ninna te vals man čačes, nay rakroms či ap leste, hoy yob mandar poučas. Me nay mangoms kokres lačepen lestar, kay miro čačepaskro ray hi.

O Debleskro Drom 2021 (Sinte)

¹⁵ Ninna te wals man tchatches, nai rakroms tchi ap leste, hoi job mandar putchas. Me nai mangoms kokres latchepen lestar, kai miro tchatchepaskro rai hi.

Hiob 9:15 Iomraidhean Croise

2. Familjakro liil 33:13

Oun har lo yaake mangas, moukas pes o baro Devel te mangell, oun shounas leskro mangepen, oun anas les pale an o foro Yerusalem an leskro them, kay yob baro ray hi. Koy hayvas o Manasse, kay o baro Devel o čačo Devel hi.

Hiob 10:15

Te lom doosh ap mande, djal mange djoungelo! Ninna te lom kek doosh ap mande, hounte rikrap miro shero tele. Miri ladjatar oun miri doukatar hom har mato.

Hiob 10:2

Me penau ap o Debleste: Ma pen: Doosh hi ap toute! Pen mange, havi doosh tou ap mande hatsal?

Hiob 22:27

Tou mangeh les an, oun yob shounell ap toute. Oun tou aneh leste kova, hoy tou leske sovel dal.

Hiob 23:7

Palle anoms miro čingepen glan leste, oun sikroms, te hom an o čačepen tardo. Oun o Devel, miro čačepaskro ray, dikals, te hi kek doosh ap mande, oun moukals man te djal hako tsireske.

Hiob 40:5

Yek kopo rakrom, oun me kamau či bouder te penell. Oun douy kope rakrom, oun me kamau les gar bouder te krell.

Hiob 5:8

Te djals mange har touke, rodoms o Debles, oun anoms miro koova glan leste.

Hiob 8:5

Te rodeh tou o Debles tiro tselo djiyeha, oun mangeh ropah o zorelo Deblestar, te vell lo touke pale lačes,

Hiob 9:16

Ninna te moukals lo man leha te rakrell, patsau me gar, te shounals lo ap miro rakepen.

Hiob 9:20

Ninna te vaus an o čačepen, miro rakepen anals i phagi pral mande. Ninna te vals kek doosh ap mande, dals lo man i doosh.

Hiob 9:21

Kek čilačepen krom me. Miro djipen hi mange bouder či moldo. Kamau bouder gar te djivell. Lauter hi mange yek. Doleske penau me: O Devel dell koles moulo, kay lačo oun čačo hi, oun ninna koles, kay čilačo hi.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Daniel 9:18

Miro Devel, shoun miro mangepen! Kre tire yaka pre oun dik i tele-phagede barra ko forestar, hoy pal tiro lab kharedo hi. Glan toute ham čiddo maro mangepah oun dikah gar ap o čačepen hoy mer krams, na-a mer dikah ap toute, te kress tou tiro baro dji menge pre.

Daniel 9:3

Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

1. Korintarja 4:4

Me djinau gar, te anom doosh ap mande. Ninna te djinom kova gar, krell man kova gar čačo glan o Debleste. Kova, kay o čačepen pral mande vi-rakrella, hi kokres maro ray Yezous.

1. Petro 2:23

Te čingran le ap leste, čingras yob gar pale. Te dan le les, das lo len gar trad. Na-a, yob čivas pes an o Debleskre vasta. Oun o Devel hi o čačepaskro ray, kay djal pal o čačepen.