Hiob 8:21 - O Debleskro Lab 2024 (Sinte-Manouche)

²¹ Yob krell, te nay saneh pale, oun deh gole i barhtyatar.

O Debleskro Drom 2021 (Sinte)

²¹ Job krell, te nai saneh pale, un deh gole i bachtjatar.

Hiob 8:21 Iomraidhean Croise

1. Mose 21:6

Oun i Sara penas: “O Devel das man i sapen. Hakeno, kay shounella, hoy mange djas, sal mantsa.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Hiob 35:10

Oun kek lendar poučell pal o Debleste, kay les kras. Oun yob hi kova, kay krell, te nay givell i mensho gilya an i kali rat.

Hiob 5:22

Tou nay saneh, te vell kourepen oun bok, oun kol divye firhendar vell tout kek daar.

Debleskri gili 100:1

I gili, te parkras men pash o Debleste. Givenn o baro Debleske, t'mer lauter, kay han ap kay phoub!

Debleskri gili 126:1

I gili te givell ap o drom an Yerusalem. Har anas men o baro Devel pale pash i berga Sion, hams mer har save, hoy souni denna.

Debleskri gili 126:2

Kote sanas maro mouy, oun mari čip das gole i barhtyatar, oun pash i tsele vavar menshende penan le: “O baro Devel kras baro koova ap lende.”

Debleskri gili 126:6

Yob djala ropah, te vitsrell lo o djob vin, oun vell barhteles khere, i gonentsa pherdo djob.

Debleskri gili 32:11

T'mer, kay an o čačepen tardo han, avenn barhtelo pral t'maro baro Debleste! Moukenn t'mare djia san oun bashrenn! Denn gole i barhtyatar, t'mer lauter, kay shounenn o tselo djiyeha ap o Debleste.

Debleskri gili 98:4

Givenn o baro Debleske, t'mer lauter, kay ap kay phoub han! Denn gole i barhtyatar, sharenn les i gilyentsa!

Louka 6:21

Barhtele han t'mer, kay kanna bokenna. T'mer venna čalo. Barhtele han t'mer, kay kanna rovenna. T'mer san pale.