Hiob 8:13 - O Debleskro Lab 2024 (Sinte-Manouche)

¹³ Yaake djal hakeneske, kay o Debles bistrella. Kova, kay gar o Debleha djivell, koleske ačell či, hoy dell les pale nevi zoor.

O Debleskro Drom 2021 (Sinte)

¹³ Jaake djal hakeneske, kai o Debles bistrella. Kowa, kai gar o Debleha djiwell, koleske atchell tchi, hoi dell les pale newi soor.

Hiob 8:13 Iomraidhean Croise

Hiob 11:20

I čilače hayvenn gar, hoske lenge djoungeles djal, oun hatsenn gar vin dran lengri bibarht. Lenge ačell či har te dikenn le ap ko dives, kay merenn le.

Hiob 13:16

Te vap me glan leste, sikrell kova, te hi kek doosh ap mande. Kek douy djiyentsa vell glan leste.

Hiob 15:34

Yaake djal i familyenge kolendar, kay djivenn kek Debleha. Yon ačenn kek čaventsa. Oun i yag rhačrell lengre khera pre, hoy kran le kol loventsa, hoy lenge playsedo vas te rhorhenn le.

Hiob 18:14

O merepen tserdell les vin dran o kheer, kolestar yob patsas, te nay djal leske či. Oun yob vell anlo glan koleste, kay hi o ray pral i moulende.

Hiob 20:5

vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Hiob 36:13

Kolla, kay kamenn či o Deblestar te djinell, rikrenn pengri rholi an lengre djia. Ninna te dell o Devel len i phagi, denn le gar gole, te vell lo lenge ap i rig.

Hiob 8:12

Te hi lo gomme zenelo oun gar bares doha, te vell lo tele činlo, marell lo sikeder tele har ko vavar zenlepen, te hi les kek pani.

Debleskri gili 1:4

Yaake hi i čilačentsa gar. Yon hi har čik, hoy i dourho krik phourdell.

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Debleskri gili 112:10

O čilačo dikell kova oun rhoyrell pes. I rholyatar dandrell lo i danda khetne. Yob merell, oun kova, hoy kamas lo te krell, hi čičeske.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Debleskri gili 9:17

O baro Devel sikras, koon yob hi, oun das i čilačende pengri phagi. I čilače pandan pen an koy netsa, hoy yon pengre vastentsa kran.

Gosewe laba 10:28

Kova, kay i lače pre dikenna, te vell len, kova vell lenge dino; oun yon venn barhtelo. Kova, kay i čilače pre dikenn, te vell len, kova vell gar.

Gosewe laba 11:7

Ap ko dives, kay merell o čilačo, merell ninna kova, kay lo peskro dji pre čivas. Kova, hoy leske boud moldo his, hi čičeske.

Gosewe laba 12:7

I čilače venn tele vitsedo oun hi gar bouder koy. O kheer kolendar, kay an o čačepen tardo hi, ačell tardo.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Ropaskre gilja 3:18

Kote penom mange: Me nay djivau bouder gar, oun nay patsau bouder gar, te vell o baro Devel ap miri rig.

Mateo 24:51

oun dell ko boudepaskres khetne, oun anell les kote, kay i rhorhene hi. Kote rovenn le, oun dandrenn i danda khetne i doukatar.

5. Mose 6:12

palle de yak, te bistress gar o baro Debles, kay anas tout vin dran o pandepen dran o them Egiptia.

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.

5. Mose 8:14

palle denn yak, te venn gar pre-phourdo, oun bistrenn t'maro baro Debles, koles, kay anas t'men vin dran o them Egiptia, kay t'mer pandle boudepangre hans.

5. Mose 8:19

Ma bistrenn t'maro baro Debles! Ma nashenn vavar deblen palla! Oun ma vitsrenn t'men glan lende tele, te mangenn len an! Te krenn kova, palle dau t'men kava dives miro lab pre, te venn t'mer yaake moulo dino,