Hiob 7:21 - O Debleskro Lab 2024 (Sinte-Manouche)

²¹ Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

O Debleskro Drom 2021 (Sinte)

²¹ Hoske leh tu ko tchilatchepen gar krik mandar, hoi krom, un bistreh miri doosh? An i tikno tsiro wau tel i phub. Te rodeh pal mande, hom me gar buder koi.

Hiob 7:21 Iomraidhean Croise

2. Samuel 24:10

Oun o Davideskro dji djas sikeder har yob kol tsele morshen an i liil pre-činas. Oun o David penas ap o baro Debleste: “Kova his i bari doosh, hoy anom ap mande. Me krom i čilačo koova. Oun kanna mangau tout, baro Devel, le mange koy doosh krik!”

Hiob 10:14

Tou kamal yak ap mande te dell, te dikess, te loms me doosh ap mande. Palle kamal miri doosh ap mande te moukell.

Hiob 10:9

Ma biste, te kral man dran čik. Kameh tou kanna, te vap pale čik?

Hiob 13:19

Koon hi, kay nay sikrell, te hi i doosh ap mande? Palle kamaus miro mouy te rikrell, oun te merell.

Hiob 14:10

Merell i morsh, hi lo bouder gar. Kek dourho ačell an leste. Kay hi lo?

Hiob 17:14

Ap i grufta penau: Tou hal miro dad! Ap i kirme: T'mer han miri day oun mire phenya.

Hiob 20:8

Yob djal krik har i souni, oun vell bouder gar hatslo. Har kova, hoy yek souni das, bouder gar koy hi, yaake ačell či lestar.

Hiob 27:19

Braveles čivell lo pes tele, – i letsto kopo! Te krell lo peskre yaka pale pre, hi bouder či koy.

Hiob 3:13

Te voms moulo, voms koy čiddo, oun sovoms, oun voms pokones.

Hiob 33:9

“Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.

Hiob 7:8

Tou, kay leh man kanna an o yak, nay dikeh man palle bouder gar. Te rodeh pal mande, hom me bouder gar koy.

Hiob 8:1

O Bildad dran o them Shoua penas koy pre:

Hiob 9:28

palle taprau pale daar i tsele doukendar. Oun djinau, glan o Debleskre yaka hi man doosh.

Debleskri gili 103:15

I mensho hi har khass, har zenlepen, hoy pre-djas.

Debleskri gili 37:36

Oun har vom i vavar kopo koy, his lo bouder gar koy. Oun me rodom les, oun hatsom les gar.

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 64:9

Tire forya van har i moulo them. O foro Yerusalem hi paash dino oun i berga Sion mouklo.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

1. Johanni 1:9

Mer te mangah men tele glan o Debleste, oun penah leske, havi doosh mer ap mende lam, palle krell lo, hoy yob penas oun lell i doosh mendar krik. Yob hi lačo oun čačo oun thovell o tselo čilačepen mendar tele.

1. Johanni 3:5

T'mer djinenna, kay o Yezous Kristo vas, te lell lo ko čilačo koova krik, hoy kram. T'mer djinenn ninna, kay an leste kek čilačepen hi.