Hiob 7:16 - O Debleskro Lab 2024 (Sinte-Manouche)

¹⁶ Me kamau gar bouder, kamau gar bouder te djivell. Mouk tele mandar! Miro djipen hi sik trouyel.

O Debleskro Drom 2021 (Sinte)

¹⁶ Me kamau gar buder, kamau gar buder te djiwell. Muk tele mandar! Miro djipen hi sik trujel.

Hiob 7:16 Iomraidhean Croise

1. Mose 27:46

Oun i Rebekka penas ap o Isaakeste: “Kol douy rhalya, kol Hetarya, kolen o Esau romedineras, krenn mange miro djipen pharo. Te romedinerell ninna o Yakob i čat dran kava them, i Hetaretsa, vals feteder, te merap.”

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Hiob 10:20

Kol divessa, hoy man gomme hi, hi bouder gar boud. Mouk mandar tele, dik krik mandar, te nay vap i tikno tsiro gomme barhtelo,

Hiob 14:6

Palle dik lestar krik, mouk les kokres, te nay krell lo peskro diveskri boudi!

Hiob 6:9

Har kamoms, te vals leske shoukar, te dell lo man moulo, te lell lo miro djipen mandar.

Hiob 7:15

Mange vals feteder, te tassrals man yek. O merepen hi lačeder har sau djipen.

Hiob 7:7

Ma biste, miro Devel, te hi miro djipen har i dourho. Mire yaka dikenn bouder kek barht.

Hiob 9:21

Kek čilačepen krom me. Miro djipen hi mange bouder či moldo. Kamau bouder gar te djivell. Lauter hi mange yek. Doleske penau me: O Devel dell koles moulo, kay lačo oun čačo hi, oun ninna koles, kay čilačo hi.

Debleskri gili 144:4

Har i dourho hi lo. Leskro djipen djal trouyel har i souni.

Debleskri gili 39:10

Me penau bouder či. Miro mouy ačell pandlo. Toutar vell kova, hoy pral mande vas.

Debleskri gili 39:13

Baro Devel, shoun miro mangepen! Oun shoun, har dau ap toute gole! Dik mire sva oun rake mantsa! Me hom gar khere ap kay phoub, djivau har i vi-themari pash toute, yaake har ninna mire phoure djivan.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Debleskri gili 78:33

Koy kras lo, te djal lengro djipen sik trouyel, oun lengre bersha his pherdi daar.

Debleskri gili 78:39

Yob djinas, te hi le menshe, kay hounte merenn, oun hi sik bouder gar koy, yaake har i dourho, hoy djal oun gar pale vella.

Sikepaskro 2:17

Kote his mange miro djipen bouder gar shoukar. Kova, hoy i menshe krenna ap kay phoub, hi čičeske. Halauter hi čičeske, oun yaake har te nashals yek pal o dourho, hoy djal pral i phoub.

Jeremia 8:3

Oun lauter kolla, kay pral ačan kal čilače menshendar, kay djivenn kote, kay me len tradom, lenge vals o merepen feteder har o djipen. Kova penell o baro Devel, ko ray pral o bolepen oun i phoub.

Jona 4:3

Oun kanna, baro Devel, le miro djipen mandar! Miro merepen hi mange mishto, boudeder har te djivap!”

Jona 4:8

Oun har o kham ap o bolepen tardo his, moukas o baro Devel i tato phourdepen dran o moulo them te vell, oun o kham das yaake čourye ap o Yoneskro shero, te nashras lo peskri zoor. Oun yob kamas te merell oun penas: “Miro merepen hi mange mishto, boudeder har te djivap!”