Hiob 6:6 - O Debleskro Lab 2024 (Sinte-Manouche)

⁶ Koon kamell i rhapen te rhal, kay kek loon dren hi? Koon kamell o parnepen i yalo yarestar te rhal?

O Debleskro Drom 2021 (Sinte)

⁶ Koon kamell i chapen te chal, kai kek loon dren hi? Koon kamell o parnepen i jalo jarestar te chal?

Hiob 6:6 Iomraidhean Croise

Hiob 12:11

Te shounell i mensho, hoy rakedo vell, poučell lo pes gar, hoy čačo oun hoy gar čačo hi? Kova hi yaake har peskro mouy djinell, havo rhapen lačo oun havo rhapen gar mishto hi.

Hiob 16:2

Boud sau koova shounom me. T'mare lače laba, hoy t'men mange hi, t'mer halauter, krenn les mange gomme phareder!

Hiob 34:3

Yaake har o mouy hayvell, hi o rhapen lačo oder gar, yaake hounte hatsell o kand vin, hi ko rakepen mishto oder gar.

Hiob 6:25

Čače laba rakrenn an o dji. T'mare laba hi či moldo. T'mer penenn mange gar, havo čilačepen me krom.

Hiob 6:30

Rakrell miro mouy rhorhene laba? Na-a! Me djinau, hoy lačo oun hoy čilačo hi!

Hiob 6:5

Kek bourika dell gole, te hi lat zenlepen te rhal. Kek groumni dell gole, te hi lat doha te rhal.

Hiob 6:7

Sau rhapen taprau gar an. Kova hi mange yaake djoungeles, te nay lau les gar tele.

Debleskri gili 119:103

Tiro lab hi har i goudlo rhapen mange, ava, goudleder har gvin hi lo.

3. Mose 2:13

Ko tselo rhapen, hoy tou o baro Debleske aneh, hounte vell londo. Ko loon hi i sikepen, kay kova, hoy o Devel t'mentsa vin kras, hako tsiro ačell. Doleske aneh leske kek rhapen dran djob, vitar kek firhen, kay kek loon pashel kerdo vas.

Mateo 5:13

T'mer han o loon ap kay phoub. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Ko loon molell či bouder. Tou nay vitsreh les toutar. Oun i menshe stakrenn les khetne.

Louka 14:34

“O loon hi mishto. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo.

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.