Hiob 6:21 - O Debleskro Lab 2024 (Sinte-Manouche)

²¹ Yaake har kal panya, hoy bouder gar koy hi, yaake van t'mer kanna mange. T'mer dikenn, har djoungeles mange djal, oun t'men taprell i bari daar.

O Debleskro Drom 2021 (Sinte)

²¹ Jaake har kal panja, hoi buder gar koi hi, jaake wan tumer kanna mange. Tumer dikenn, har djungeles mange djal, un tumen taprell i bari daar.

Hiob 6:21 Iomraidhean Croise

Hiob 13:4

T'mer čakrenn o čačepen o rhorhepah, han dramangre, kay či-moldo hi, – t'mer halauter.

Hiob 19:19

Mire lače mala dikenn tele ap mande. Oun kolen, kay me o djiyestar kamom, sikrenn mange o doumo.

Hiob 6:15

Mire mala sikran pen, te hi le rhorhene. Har panya hi le, kay trouk venn.

Hiob 6:22

Penom me ap t'mende: Denn man love? Playssrenn t'mer mange yekes t'maro bravlepastar?

Debleskri gili 38:11

Miro dji djal sikeder. Miri zoor moukas man. Oun mire yaka nashran pengri zoor.

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Gosewe laba 19:7

I phrala i čorvelestar kamenn či lestar te djinell. Oun har boud boudeder rikrenn pen leskre mala lestar krik. Te kamell lo lentsa te rakrell, hi le bouder gar koy.

Jesaja 2:22

Moukenn tele i menshendar! Lengro djipen hi yaake tikno har i dourho. Hoy hi le moldo?

Jeremia 51:9

[I vi-themarya, kay kote djivenn, penenn:] Mer kamam o foro Babilon sastes te krell, oun yob kamas gar sasto te vell. Palle moukenn les, har yob kamella! Mer djas halauter pale an mare themma! Leskri phagi hi yaake baro, te djal li bis an o bolepen.

Mateo 26:31

Kote penas o Yezous lenge: “Kay rati nashenn t'mer halauter mandar. An o Debleskro lab hi činlo: O Devel penella: Me dau o bakrengro rayes. Oun i bakre nashenn penge.

Mateo 26:56

Kava lauter hounte djas, te vell čačo, hoy o Debleskre rakepangre glan i rah tsiro an pengre lila činan.” Har peskre mala kova shounan, nashan le penge lauter lestar.

2. Timoteo 4:16

Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.