Hiob 6:15 - O Debleskro Lab 2024 (Sinte-Manouche)

¹⁵ Mire mala sikran pen, te hi le rhorhene. Har panya hi le, kay trouk venn.

O Debleskro Drom 2021 (Sinte)

¹⁵ Mire mala sikran pen, te hi le chochene. Har panja hi le, kai truk wenn.

Hiob 6:15 Iomraidhean Croise

Hiob 11:16

Tiri bibarht nay bistreh. Te vell li touke an tiro shero, hi li har pani hoy krik nashas.

Hiob 13:4

T'mer čakrenn o čačepen o rhorhepah, han dramangre, kay či-moldo hi, – t'mer halauter.

Hiob 14:11

Dran o baro pani nashell o pani vin. Oun o lengsto pani nashrell boud oun boudeder pani, bis te hi lo trouk.

Hiob 19:13

Yob rikras mire phralen dour mandar krik. Oun kolen, kay me lačes prindjrom, krenn yaake, har prindjrans le man gar.

Hiob 19:19

Mire lače mala dikenn tele ap mande. Oun kolen, kay me o djiyestar kamom, sikrenn mange o doumo.

Hiob 6:16

An o vend hi kol panya shila oun tamlo oun gib čakrell len.

Debleskri gili 38:11

Miro dji djal sikeder. Miri zoor moukas man. Oun mire yaka nashran pengri zoor.

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Debleskri gili 88:18

Yon venn ap mande haki rigyatar, har baro divyo pani hi le troul mande o tselo dives.

Gosewe laba 25:19

Te hi tout i kalo dives oun dikeh ap i maleste, te vell lo ap tiri rig, oun yob hi kek morsh o labestar, palle hi kova, har te dandals ap i tele phagedo dand, oun har te nashals ap yek heri.

Jeremia 12:6

Ninna tire phrala oun i menshe dran tiro dadeskro kheer moukan tout te perell, oun dan čilačes gole pal toute har kol vavar. Dik tout glan lendar, ninna te rakrenn yon kamlo touha.

Jeremia 15:18

Hoske venn mire douka gar sasto? Hoske hi miro doukepen yaake djoungelo, te vell lo gar sasto? Tou val mange har i brounna, kay an o niyale kek pani dren hi.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 38:22

Me dikom, har van i tsele djouvya, kay pral ačan an tiro kheer vin anlo pash i pralstunende o baro rayestar dran o them Babilonia. Kol djouvya penenn touke palle: “Tire mala, kay touke penan lauter hi mishto, rakran yaake boud an toute dren, te kral tou i dinelo koova. Kanna, kay tire pire an i sapeni čik hi, moukenn yon tout kokres.”

Johanni 13:18

Kova penau me gar t'mendar halauterendar. Me djinau, kones me vin rodom. Kova hounte vell yaake, har an o Debleskro lab tardo hi: Kova, kay rhal kanna o maro mantsa, dell i ladini ap mande.

Johanni 16:32

“Dikenn, ko tsiro vella oun hi koy, kay nashenn t'mer halauter mandar. Hakeno djal pale khere. Oun man moukenn t'mer kokres. Ninna te moukenn man, hom me gar kokres. O dad hi pash mande.

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.