Hiob 6:14 - O Debleskro Lab 2024 (Sinte-Manouche)

¹⁴ Kones kek dji hi peskro maleske, koles hi gar o zorelo Devel glan i yaka pash kova, hoy lo krell.

O Debleskro Drom 2021 (Sinte)

¹⁴ Kones kek dji hi peskro maleske, koles hi gar o sorelo Dewel glan i jaka pash kowa, hoi lo krell.

Hiob 6:14 Iomraidhean Croise

1. Mose 20:11

O Abraham penas: “Me patsom, kay an kava foro kek menshe hi, kay patsenn o djiyestar ap o Debleste oun krenn, hoy o Devel kamell. Darom, kay yon man moulo denna, te lenn le miri romyat.

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

Hiob 15:4

Čačepah, tou kreh har te vals o patsepen ap o Debleste či moldo, oun kreh, te mangell les bouder kek an.

Hiob 16:5

Boud labentsa doms t'menge pale nevi zoor. Oun kova, hoy penoms, krals t'mari douk tikneder.

Hiob 19:21

Mire mala, krenn t'mare djia mange pre! Avenn mange lačes! O Debleskro vast das man!

Gosewe laba 17:17

I maal sikrell hako tsiro pengro kamlepen. Oun i phraal vell boldo, te vell lo touke ap i rig an phare tsirya.

Gosewe laba 25:19

Te hi tout i kalo dives oun dikeh ap i maleste, te vell lo ap tiri rig, oun yob hi kek morsh o labestar, palle hi kova, har te dandals ap i tele phagedo dand, oun har te nashals ap yek heri.

Zakarie 7:9

Me, o baro Devel, ko ray pral o bolepen oun i phoub, penom glan boud bersha mire menshenge: “T'mer hounte denn yak, te vell o čačepen kerdo. Oun hakeno hounte krell peskro dji pre peskro phraleske oun vell leske lačes.

Louka 23:40

Ko vavar čingras ap leste oun penas: “Mouk tele! Dareh tou gar o Deblestar, kanna kay hal ap o troushel?

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

1. Korintarja 12:26

Te doukell yek kotar, palle doukenn kol tsele vavar ninna. Oun te vell yek kotar sharedo, hi kol tsele kotya barhtele.

2. Korintarja 11:29

Te hi yek gar zorelo, hom me vitar gar zorelo. Te perell yek o Debleskro dromestar tele, hi man bari douk an o dji.

Galatarja 6:2

Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella.

Hebrearja 13:3

Ma bistrenn kolen, kay hi an o stilepen. Denn lende kova, hoy len hounte vell djipaske, yaake har te vans t'mer kolla, kay stildo hi! Avenn ninna kolenge koy, kay van palla lino oun lan dava. Avenn lenge yaake koy, har vans t'mer kolla, kay van palla lino oun lan dava.