Hiob 5:14 - O Debleskro Lab 2024 (Sinte-Manouche)

¹⁴ Pral o dives moukell lo len an o tamlepen te nashell, oun mashkral dives dikenn le pengro drom gar, har te vals rati.

O Debleskro Drom 2021 (Sinte)

¹⁴ Pral o diwes mukell lo len an o tamlepen te nashell, un mashkral diwes dikenn le pengro drom gar, har te wals rati.

Hiob 5:14 Iomraidhean Croise

Hiob 12:25

Har korele rikrenn le pengre vasta vin, te hatsenn le pengro drom an i kali rat, kay kek momeli hi, oun har i mate nashrenn le pen.

Hiob 15:30

Yob nay vell gar vin dran o tamlepen, oun hi har ko rouk, koleskre zenele kashta rhačedo venn an i yag. Oun o Devel phourdell ap leste, oun krik hi lo.

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

Hiob 20:26

Leskro tselo kouč koova vell paash kerdo. Oun i yag, hoy kek mensho čivas, rhačrell les pre, oun kolla, kay an leskro kheer pral ačan.

Hiob 22:11

Tamlepen hi troul toute, te nay dikeh či. Oun bare panya djan pral toute.

Hiob 24:13

Čilače menshe kamenn gar o dives, oun djan gar ap dromma, ap kolende o kham perell. Save dromendar djan le tele.

Hiob 38:15

Te vell dives, nay krenn i čilače bouder kek čilačo koova an o tamlepen, oun nay doukrenn bouder gar vavar menshen.

2. Mose 10:21

Kote penas o baro Devel ap o Mose: “Hade tiro vast pre pash o bolepen! Palle vell savi kali rat pral o tselo them Egiptia, kay dikeh nay tiro vast gar glan i yaka.”

2. Mose 10:22

Oun o Mose hadas peskro vast pash o bolepen pre. Kote vas i kali rat pral o tselo them Egiptia. Triin divessa ačas li.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Jesaja 59:10

Har korele taprah pal i vanta, har save, kay dikenn gar, kay le djan. Mashkral o dives perah har te vals rati. Mank i saste ham yaake har te vams moule.

Amos 8:9

O baro Devel, maro ray, penell: An ko dives djal o kham tele mashkral o dives. Oun mashkral o dives vell i rati pral o them.

5. Mose 28:29

Ap o dives, kay o kham pralstounes tardo hi, rikrenn t'mer t'mare vasta glan t'mende, te rodenn t'maro drom, har korele, kolenge hako tsiro har i rati hi. T'men vell kek barht an t'maro djipen. Vavar menshe djan zoryah ap t'mende pre oun čorenn t'men pale te pale vin. Oun kek vell ap t'mari rig.