Hiob 42:9 - O Debleskro Lab 2024 (Sinte-Manouche)

⁹ Kote djas o Elifas peskre douy malentsa, o Bildad dran Shoua oun o Sofar dran Naama, pash o Hiob, oun yon kran, hoy o baro Devel lenge penas. Oun o baro Devel shounas ap kova, hoy o Hiob lestar mangas.

O Debleskro Drom 2021 (Sinte)

⁹ Kote djas o Elifas peskre dui malentsa, o Bildad dran Shuach un o Zofar dran Naama, pash o Hiob, un jon kran, hoi o baro Dewel lenge penas. Un o baro Dewel shunas ap kowa, hoi o Hiob lestar mangas.

Hiob 42:9 Iomraidhean Croise

1. Mose 20:17

Har o Abimelek o Abrahameskri romyat las, kras o baro Devel, kay kek djouvel an o Abimelekeskro kheer i ternepen lella. Oun kanna mangas o Abraham o Debles lenge. Oun o Devel kras o Abimelekes sasto oun leskri romyat oun i djouvyen, kay leske boudran, yaake, te lan le pale čave.

Hiob 2:11

O Hiobes his triin mala. Har shounan yon foun koy bibarht, hoy vas pral o Hiob, van le pash leste khetne, hakeno foun kotar, kay yob djivell: O Elifas dran o foro Teman, o Bildad dran o them Shoua, o Sofar dran o them Naama. Oun yon kran penge vin, te djan le pash leste, te sikrenn le leste, har khaytell lo len, oun te penenn le leske lače laba.

Hiob 22:27

Tou mangeh les an, oun yob shounell ap toute. Oun tou aneh leste kova, hoy tou leske sovel dal.

Hiob 22:30

Ninna koles, kay doosh ap peste hi, lell lo dran o merepen vin, dran kova, kay tou kek čilačepen kreh.

Hiob 42:10

Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Ezekiel 14:14

Ninna te vans kal triin morsha an ko them, o Noah, o Daniel oun o Hiob, palle lans yon kokres pengro djipen dran o merepen vin, kek vavar lentsa. Yon djivan an o čačepen. Doleske loms len kokres dran o merepen vin. Kava penau me o baro Devel, t'maro ray.

Mateo 7:24

Hakeno, kay mire laba shounella oun kova krella, hoy me penau, kova hi yaake har i gosevo morsh, kay peskro kheer ap i zorelo baro bar kras.

Johanni 2:5

Leskri day penas ap i boudepangre: “Krenn kova, hoy yob t'menge penella!”

Bičepangre 10:33

Oun me bičrom morshen pash toute. Oun kova his mishto, kay tou val. Kanna ham mer lauter glan o Debleste khetne, te shounas lauter, hoy o Devel, maro ray, touke penas.”

Bičepangre 9:6

Ste pre oun dja an ko foro! Koy penenn le touke, hoy te kress.”

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.