Hiob 42:10 - O Debleskro Lab 2024 (Sinte-Manouche)

¹⁰ Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

O Debleskro Drom 2021 (Sinte)

¹⁰ Un har o Hiob peskre malenge mangas, las o baro Dewel koi bibacht o Hiobestar krik, un kras les pale brawelo, un das les dui kope jaake bud, har les his.

Hiob 42:10 Iomraidhean Croise

1. Mose 20:17

Har o Abimelek o Abrahameskri romyat las, kras o baro Devel, kay kek djouvel an o Abimelekeskro kheer i ternepen lella. Oun kanna mangas o Abraham o Debles lenge. Oun o Devel kras o Abimelekes sasto oun leskri romyat oun i djouvyen, kay leske boudran, yaake, te lan le pale čave.

2. Familjakro liil 25:9

Oun o Amazya poučas o Debleskro morshestar: “Oun hoy hi kol sheel centnarya roup, hoy me kol lourdende dran Israel dom?” O Debleskro morsh penas: “Pash o baro Debleste hi yaake, te nay dell lo tout boudeder har tou len dal.”

Hiob 1:2

Oun les his efta morsh čave oun triin ča.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Hiob 42:9

Kote djas o Elifas peskre douy malentsa, o Bildad dran Shoua oun o Sofar dran Naama, pash o Hiob, oun yon kran, hoy o baro Devel lenge penas. Oun o baro Devel shounas ap kova, hoy o Hiob lestar mangas.

Debleskri gili 126:1

I gili te givell ap o drom an Yerusalem. Har anas men o baro Devel pale pash i berga Sion, hams mer har save, hoy souni denna.

Debleskri gili 14:7

Har kamaus me, te vals kova koy berga Sion tele, kay lell o Israel vin dran i bibarht! Ava, har kamaus me, te anell o baro Devel peskre pandle menshen pale! Palle stenna o Yakobeskre čave i barhtyatar, ava, o tselo Israel vell barhtelo.

Debleskri gili 53:6

Ap yek kopo taprenn le i traash, ninna te hi či koy, hoy len nay traash krella. O Devel marell kolen, kay ap peskre menshende pre djan. Oun lengre kokale ačenn čiddo oun venn gar paskedo. O Devel čivas len pale.

Gosewe laba 22:4

Kova, kay krell pes gar bares oun djivell o baro Debleha, lell bravlepen oun sharepen oun o čačo djipen.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 61:7

T'mer hidjran bari ladj oun praasepen, doleske lenn t'mer kanna i baro them oun i barht, hoy ačella hako tsireske.

Haggai 2:8

Ko tselo roup, miro hi lo, ko tselo sonakay – halauter hi miro, penell o baro Devel, ko ray pral o bolepen oun i phoub.

4. Mose 12:13

Oun o Mose das ap o baro Debleste gole: “Ah Devel, kre lat sasto!”

4. Mose 14:10

Kol tsele menshe penan: “Vitsrenn len moulo i barrentsa!” Koy vas o baro Debleskro raylepen pral o Debleskro kheer. Oun i tsele Israelitarya dikan kova.

Louka 16:27

Koy penas o bravelo: Me mangau tout, tata Abraham, biče les an miro dadeskro kheer!

Bičepangre 7:50

Me krom o bolepen oun i phoub mire vastentsa.”

Bičepangre 7:60

Oun yob peras ap i phoub tele, oun das pale gole: “Ray, le koy doosh lendar!” Har yob kova penas, meras lo.

5. Mose 30:3

palle krell t'maro baro Devel peskro dji t'menge pre oun lell t'men dran o pandepen vin. Oun yob anell t'men pale khetne oun pale pale dran i tsele themma, kay lo t'men tradas.

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

5. Mose 9:20

Ninna ap o Aron his o baro Debles i bari rholi, oun yob kamas les te marell. Oun me mangom an ko tsiro ninna o Aroneske.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

1. Samuel 2:7

O baro Devel krell čorvelo oun yob krell bravelo, ko yekes krell lo tikno, oun ko vavares baro.

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.