Hiob 4:3 - O Debleskro Lab 2024 (Sinte-Manouche)

³ Tou sikral boud menshen o čačo drom, oun kral khine vasta pale zoreles.

O Debleskro Drom 2021 (Sinte)

³ Tu sikral bud menshen o tchatcho drom, un kral khine wasta pale soreles.

Hiob 4:3 Iomraidhean Croise

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Hiob 16:5

Boud labentsa doms t'menge pale nevi zoor. Oun kova, hoy penoms, krals t'mari douk tikneder.

Hiob 29:11

Hakeno, kay shounas man, sharas man. Oun koon man dikas, rakras lačo koova pral mande.

Hiob 29:15

O koreleske homs me har i yak, oun i heri koleske, kay nay nashell gar.

Hiob 29:16

O čorveleske homs me har i dad, oun lom koleskro koova an o vast, kay i vi-themari his.

Hiob 29:21

Yon shounan, hoy man penepaske his. Oun rakran či, bis te penom lenge, hoy te krenn le.

Hiob 4:4

Tire laba hadan koles pale pre, kay peras. Tou kral kol herya pale zoreles, hoy trissan.

Gosewe laba 10:21

O rakepen kolestar, kay an o čačepen tardo hi, dell boud menshen nevi zoor. Kolen či an o shero hi, kolla merenn dran ko dinelo koova, hoy le kran.

Gosewe laba 15:7

I gosevengro rakepen sikrell i vavarende, hoy lenge mishto hi. Kova, hoy i dinelen an o shero hi, hi či moldo.

Gosewe laba 16:21

Kova kay hayvell, hoy mishto oun gar mishto hi, kova vell kharedo gosevo morsh. Oun yek, kay lače laba hatsell, hi i lačo sikepaskro.

Jesaja 35:3

Krenn pale zoreles t'mare khine vasta, oun t'mare herya, hoy yaake trissenn.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Ezekiel 13:22

T'mare rhorhene labentsa doukran i djia kolendar, kay an o čačepen djivenn, oun kolenge kamom kek daar te krell. Oun t'mer kran i vasta kolendar zorelo, kay čilačo koova krenn. Yaake kran t'mer, te djan le gar tele lengro čilačo dromestar, te ačenn le djido.

Zefanja 3:16

An ko tsiro vell penlo ap i menshende an o foro Yerusalem: Ma trashenn t'men, t'mer an Yerusalem! Ma moukenn t'mare vasta tele te perell!

Louka 22:32

Me mangom touke pash mo Debleste, te djas tou gar o Debleskro dromestar tele. Oun te djah tou pale ap o čačo drom, kre tire phralen zoreles an o patsepen!”

Louka 22:43

Oun i Debleskro bolepaskro vas pash leste dran o bolepen oun das les zoor.

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

5. Mose 3:28

Oun pen ap o Yosua: Ma traash, ab zoreles! Yob hi kova, kay djal glan i Israelitaryen vergel o pani Yordan, oun anell len dren an ko them, hoy tou dikeh, te lenn le les penge dren.”

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.

Hebrearja 12:12

Doleske avenn pale zoreles! Hadenn t'mare vasta pale pre, hoy khino van! Krenn t'mare herya pale zoreles, an lende bouder kek zoor hi!