Hiob 4:17 - O Debleskro Lab 2024 (Sinte-Manouche)

¹⁷ Har nay vell i mensho an o čačepen tardo glan peskro Debleste? Har nay djivell i morsh i djoudjo djipen glan o Debleste, kay kras les?

O Debleskro Drom 2021 (Sinte)

¹⁷ Har nai well i mensho an o tchatchepen tardo glan peskro Debleste? Har nai djiwell i mursh i djudjo djipen glan o Debleste, kai kras les?

Hiob 4:17 Iomraidhean Croise

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

Hiob 14:4

I tsele menshen hi doosh ap pende. Har nay vell lendar yek, koles kek doosh ap peste hi?

Hiob 15:14

Hoy hi o mensho, te nay vals lo erligo glan o Debleste? Kek ap kay phoub hi an o čačepen tardo glan leste.

Hiob 25:4

Glan o Debleskre yaka hi kek mensho an o čačepen tardo. Kek mensho hi erligo glan leste.

Hiob 31:15

Yob, kay kras man an miri dakro per, hi kova, kay kras ninna kolen, kay mange boudrenn.

Hiob 32:22

Me hayvau man gar koy pre, te rakrap yekeske pal o mouy. Te kroms kova, lals kova, kay mange miro djipen das, sik miro djipen pale mandar krik.

Hiob 35:10

Oun kek lendar poučell pal o Debleste, kay les kras. Oun yob hi kova, kay krell, te nay givell i mensho gilya an i kali rat.

Hiob 35:2

Patseh, te hi kova čačo, hoy penal? Tou penal: “Me hom an o čačepen glan o Debleste.”

Hiob 36:3

Me sikrau touke ko boud koova, hoy me djinau, te sikrap, te hi kova čačo oun mishto, hoy kras o Devel, kova, kay man kras.

Hiob 4:16

Glan mire yaka dikom yekes tardo, oun djinom gar koon kova his. Shounom či. Palle rakras yek oun penas:

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Hiob 8:3

Patseh čačepah, te krell o zorelo Devel gar, hoy mishto oun čačo hi? Patseh, te rissrell lo peskre čačepaskre laba trouyel?

Hiob 9:2

Čačepah, djinau te hi yaake. Har nay vell i mensho an o čačepen glan o Debleste?

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Debleskri gili 145:17

An lauter, hoy o baro Devel krell, djal lo pal o čačepen. An lauter, hoy krell lo, hi lo lačo.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.